চৎলিবা চহী অসীগী জুলাই থাগী ২১ দা লৈবাক অসীগী ভাইস প্রসিদেন্ট অমসুং রাজ্য সভাগীনা চ্যেরমেন ওইনা লৈবা জগদিপ ধনকরনা ঈখঙ খঙহৌদনা মশাগী ফম থাদোকখ্রবা মতূঙদা হৌজিক ফাওবা হাঙদুনা লৈরক্লিবা লৈবাক অসীগী ভাইস প্রেসিডেন্ট কি ফম অসী মেন্সিন্ননবা ১৭ শুবা মীখল, লাক্লিবা সেপ্তেম্বর থাগী ৯ দা পাঙথোক্লগনি হায়না ঙরাং ইলেক্সন কম্মিসন ওফ ইন্দিয়া (ই সি আই) না নোটিফিকেসন থোকখ্রে। ই সি আইগী নোটিফিকেসন অদূগী মতূঙ ইন্না, ভাইস প্রসিদেন্ট মীখল অসীদা লম্বা থেংনগদৌরিবা কেন্দিদেটশিংনা মশাগী নোমিনেসন পেপর ফাইল তৌবগী অরোইবা মতম অসী চৎলিবা আগষ্ট থা অসীগী ২১ নি অদুগা স্ক্রুটিনিনা মথঙগী নুমিৎ আগষ্ট ২২ দনি হায়রি।
নোমিনেসন লৌথোকপগী অরোয়বা মতমনা আগষ্ট ২৫ দনি অদূগা মীখলনা চহী অসীগী সেপ্তেম্বর থাগী ৯ দা পাঙথোক্কনি হায়রক্লি। ন্যু দিল্লিদা লৈরিবা পারলিয়ামেন্ট হাওসকি অহানবা ফ্লোরদা লৈবা রুম নম্বর এফ-১০১(ভাসুধা) দা মীখল পাঙথোক্কনি। পারলিয়ামেন্ট হাওস অনীমক্কি মেম্বরশিং য়াওবা ইলেক্তোরেল কোল্লেজগী মেম্বরশিংখক্তনা ভাইস প্রসিদেন্ট কি মীখল অসীদা শরূক য়াগনি।
হন্দক চহীদা পাঙথোক্লগদবা মীখল অসীগী ওইনদি রাজ্য সভাদা হৌজিকমক্কি ওইনা সিট ৫ হাঙদুনা লৈরিবা মরম্না হাওস অসিগী লৈহৌরিবা মেম্বরশিং, রাজ্য সভাগী নোমিনেটেদ মেম্বর ১২ অমসুং লোক সভাগীসু মেম্বর অমা ভেকেন্ট ওইনা লৈখ্রবনা হাওস অসীগী লৈহৌরিবা মেম্বরশিংনা ভোৎ থাদনগদবনি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি