মনিপুরদা হৌজিক হৌজিক মায়োক্নরগা লৈরিবা হীঙশাগী ঈরাং অসী মপূঙফানা লোইশিলহন্দুনা লমদম অসীগী মীয়ামগী পুন্সিদা মহৌশাগী ঈং-তপ্না, চান্ন-চিন্ননা লৈবা মতৌ অদূ চপচানা ফংহনবা অমসুং অমসুং মপূঙফানা চাওখৎলবা মনিপুর অমা শেমগৎলম্বা হায়বসি হৌজিক লৈরিবা পি আর লৈঙাক অসীগী খ্বায়দগী অহানবা পায়খৎকদবা থবক- থৌরম্নি, পান্দম্নি হায়না মনিপুরগী চিফ সেক্রেটরি পুনিট কুমার গোয়লনা ফোঙদোকখ্রে।
ঙরাং ইম্ফালগী পেলেস গেট্টা লৈরিবা সিটি কনভেন্সন সেন্টরদা পাঙথোকখিবা নেস্নেল হেন্দলূম দে-২০২৫ কি থৌরমদা অথোয়বা মীথূঙলেন ওইনা শরুক য়ারদুনা ৱা ঙাঙবদা চিফ সেক্রেটরিনা ৱাফম অসী ফোঙদোকখিবনি।
মহাক্না হেন্দ লূম দে- ২০২৫ থৌরম অদূগী মতাঙদা হায়, মনিপুরগী তঙদূ-লৈতাদবা ফীভম অমা ঙসীফাওবদা মায়োক্নদুনা লৈরকখিবা চৈরকশিদা ঐখোয়গী খূৎ-শা হৈরবী ফিশাবীশিংনা মখল কয়াগী ফি পুথোক্তুনা মালেমদা ঐখোয়গী চাউথোকচনিঙায় ওইরবা ফিদা অমা কন্দুনা লাক্লি।
সেন্টর লৈঙাক্কি মায়কৈদগীসু টেক্স টাইলস মিনিষ্ট্রি অমসুং অতৈ এজেন্সি কয়াগী খূত্থাঙদা ফি শাবীশিংগী খুন্নাই অমদি শেল-থুমগী থাক ৱাংখৎহন্ননবা হোৎনরক্লি হায়খি।অমাজোন্নচিংবা ই-মার্কেট প্লেটফোর্মশিংগা খূৎশম্নরগা মনিপুরগী ফিজোলশিং মালেমগী কৈথেলশিংদা য়ৌহনবা ঙম্লক্লি। মনিপুরি ফিশাবী লাখ ২.৫ অসী ঐখোয়গী লমদম অসীগী অফবা শেন্মিৎলোন পুরকপদা চাউনা থৌদাং লৌরিবা কাঙলূপ্নি হায়নসু মহাক্না ফিশাবীশিংবু থাগৎখি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি