ময়ায় থংবা মেক্সিকো সিটীদা অপীকপা চার্টর প্লেন অমা কায়বদা, প্লেন অদুদা তোংলকখিবা মীওই তরেৎ লায়কন্নবা নংহৌদনা খূদক্তা শিখ্রে।মরায়বক থীখ্রবা অপীকপা চার্টর প্লেন অদূ অকাপাল্লো সিটিদগী পাইখ্রগা টোলুকো মনাক্তা লৈবা ইন্দষ্ট্রিয়েল এরিয়া অমদা তাশিনবদগী ওফিস বিল্ডিং অমদা থেংজিন্দুনা কায়খিবনি।
এজেন্সিগী পাউ মতূঙ ইন্না,প্লেন অদূ মেক্সিকোগী নোংচুপ্তা কিলোমিটর ৭০ রোম লাপ্না লৈবা ইন্দষ্ট্রিয়েল এরিয়া অমদা তাশিনবদা কায়খিবনি।মেক্সিকো ষ্টেট সিভিল প্রোটেক্সনগী কোর্দিনেটর ওইনা লৈরিবা এদ্রিয়ান হর্নান্দেজনা ফোঙদোরকখিবা মতূঙ ইন্না,অপীকপা চার্টর প্লেন অদুদা পেসেঞ্জর ৮ অমসুং ক্রূ মেম্বর ২ তোংখি।হৌজিকফাওবদা অশীবা হকচাং তরেৎ ফংবা ঙমখ্রে।অতৈ হকচাংশিং থিবগী থবক চত্থরি হায়রি।
অহানবা থিজিনবদগী ফংবা ঙমখিবা রিপোর্ট অমগী মতূঙ ইন্না,প্লেন অদূগী ইঞ্জিন্দা অশোয়বা খরা লৈখিবদগী পাইলোতনা ইমর্জেন্সি লেন্দিং তৌননবা হোৎনখি। মহাক্না প্লেন অদূ ফূটবোল গ্ৰাউন্দ অমদা তাহন্ননবা হোৎনরবসু শোয়বদগী ওফিস বিল্ডিং অমদা থেংজিন্দুনা কায়বদগী খূদক্তা মৈ হৌদূনা চাক্লকখিবনি হায়রি।হীরম অসীগী মতাঙদা থিজিনবা হৌখ্রেসু হায়রি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা