ঙরাং এপ্রিল অনীদা কম্বাইন সেক্যুরিটি ফোর্সনা বিষ্ণুপুর দিষ্ট্রিক্ট কি মোইরাং পুলিস ষ্টেসনগী মনূঙচন্না লৈরিবা নরানশৈনা অমসুং সুনুসিফাই এরিয়া অনীগী মরক্তগী ব্রাউন সুগর গ্ৰাম ৬৬১.৮ গা কোন্ননা মীওই অমা ফাগৎপা ঙমখ্রে। সেক্যুরিটি ফোর্সকি টিম অদূনা নেস্নেল হায়ৱে নম্বর-২ গী নরানশৈনা অমসুং সুনুসিফাই অনীগী লোন্নবা এরিয়াদা চত্থোক চৎশীন তৌবা গারীশিং খামদূনা চ্যেক তৌরুবদা ব্রাউন সুগর য়াওবা সাপোন কেপ ১২ গা কোন্ননা মীওই অদূ ফাগৎপা ঙমখিবনি হায়রি। দ্রগ পুরম্বা গারি মপূ অদু গারি অমসুং দ্রগশিং অদূগা কোন্ননা মখাতাবা আইনগী থবক লৌখৎনবগীদমক মোইরাং পুলিসতা খূৎশীন্নখ্রে হায়রি।
অহানবগী ওইনা মহাক্কি মথক্তা ৱাহং-পাউহং চত্থবদা মহাক্কি মমিং ফজুর রাহমান কৌই হায়বা খঙবা ঙমখি। মহাক ইম্ফাল ইষ্ট দিষ্ট্রিক্ট কি মনূঙচন্না লৈরিবা কাইরং মুস্লিম ভিল্লেজ, মমাঙ লৈকায়দগীনি হায়বসু খঙবা ঙমখ্রে। মনিপুর পুলিসনা সেন্ট্রেল সেক্যুরিটি ফোর্স কা খূৎশম্নরগা হৌখিবা থা খরগী মতমসিদা সর্স ওপরেসন অমসুং এরিয়া দোমিনেসনগী থবক চত্থরকপগা লোয়ননা নোংমা কাংদনা য়াম্লবা খূৎশু-খূৎলায়শিং অমদি দ্রগকি পোৎলমশিং ফাগৎলকপা লেপত্রিবনি।
মনিপুরদগী দ্রগকি পোৎলমশিং মরূ ফংনা মূত্থৎননবা সেক্যুরিটি ফোর্স না চঙশীল্লক্লিবা খোঙজং অসীদা সধারন মীয়াম্নসু চাউনা মতেং পাংশিনবগী থৌওংশিং উবা, তাবা ফংলক্লি। মশী অফবা, অওনবা খোঙথাং অমনি হায়নরক্লি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে