মনিপুরগী চিফ মিনিষ্টর নোংথোম্বম বিরেন্না ফম থাদোকখিবগা লোয়ননা চহী অসীগী ফেব্রুয়ারি ১৩ দগী লমদমসিদা প্রসিদেন্ট রূল (পি আর) থমজিনখ্রবা মতূঙদগী হৌজিক ফাওবদা হীঙশাগী ঈরাং থোকপগী চাং শীঙথানিঙায় ওইনা হন্থখ্রে অদুগা অমরোমদনা নোংমা কাংদনা দ্রগকি পোৎলমশিং ফাগৎলকপগী চাংদি অসুম অসুম হেঙ্গৎলক্লি। পি আর মনূঙ অসীদা নার্কোটিক দ্রগস এন্দ সাইকোত্রোপিক সবসটেন্স এক্ট কি মখাদা মীওই ৮৪ হৌজিক ফাওবদা ফাগৎপা ঙম্লি। মখোয়দগী হেরোইন নম্বর ফোর কেজি ২৪.৪, ব্রাউন্দ সুগর কেজি ২৫.৭, ওপিয়ম কেজি ৩১.৮ অমসুং গঞ্জা কেজি ৩৭৮ ফাগৎপা ঙমখি হায়রি।
ঈরাঙ অসী হৌরকখিবদগী ঙসী ফাওবদা তোঙান-তোঙানবা কেসকা মরী লৈননা মীওই ৬০১ ফারে। মসীগী মনূঙদা এক্সটোর্সনগা মরী লৈননা ফাগৎপা ঙমখিবা মীওই মশীঙ ৩৩৬ নি।হীঙশাগী ঈরাঙ অসী হৌরকখিবদগী হৌজিক ফাওবদা আইন কায়না শাজিল্লম্বা বঙ্কর ৫৪৮ সেক্যুরিটি ফোর্স না থুগাইদুনা মাঙহনখ্রে। মসীগী মনূঙদা পি আর মনূঙখক্তদা বঙ্কর ৬৩ মাঙহনখি।
হীঙশাগী ঈরাং অসী হৌরকখিবা মতমদা সেক্যুরিটি ফোর্সকি আর্মরিশিংদগী নমদুনা লৌখিবা খূৎলায় মশীঙনা ৬০২০ নি অদূগা সেক্যুরিটি ফোর্স না ফাগৎলকখিবনা খূৎলায় ২৩৯০ শুখ্রে। মসীগী মনূঙদা খূৎলায় খরদি মীরৈবাক্না শাবা অফবা মখলগী খূৎলায়শিংনি। হায়রিবা খূৎলায়শিং অসীগী মনূঙদা খরদি সরেন্দর তৌরকখিবনি হায়রি।