মনিপুরদা হৌখিবা নুমিৎ খরনিগী মতমসিদা অঙকপা মওংদা দেঙ্গী লাইচৎকি কেস মশীং য়াম্না হেঙ্গৎলকখিবগা লোয়ননা মীয়ামগী হকশেলদা য়াম্না চাউনা শীঙনবা অমা ওইরক্লি। হন্দক হৌখিবা থাখায় অমরোমগী মতমসিদা ঈথা-থাজদনা দেঙ্গী লাইচৎকি কেস মশীং খংহেন হেঙ্গৎলক্তুনা হোস্পিটালশিংদা অনাবা মশীঙ য়াম্না, তোঙান্না থমদুনা লায়েংবগী থবকশিং চত্থবগা লোয়ননা হেল্থ ওফিসিয়েলশিং কোয়চেন চেন্নরে ।
এদিস কৌবা কাঙ মখল অমনা থোকহনবা লাইচৎ অসীনা মরম ওইদুনা মনিপুরদা ঙসীফাওবদা মীওই অমা শিহনখ্রবনি। অদূম ওইনমক লাইচৎ মখল অসী লায়েং পথাপ চুম্না, মতম চানা চেকশীন-থৌরাং লৌখত্তুনা লায়েংহৌরবদি চয়োল অমা নত্রগা অনীগী মনূঙদা মপূঙফানা ফগৎহনবা ঙম্মি হায়রি। লাইচৎ অসী মীওই অমদগী অতোপ্পা মীওই অমদা শন্দোক্তে।
হৌখিবা পূঙ ২৪ গী মতমসিদা ষ্টেট অসীদা মীওই ৪৬ দেঙ্গী পোজিটীব ওইরকখ্রে। মদুগী মনূঙদা ইম্ফাল ৱেষ্ট তগী মীওই ১৪, ইম্ফাল ইষ্ট তগী মীওই ১৩, থৌবাল দিষ্ট্রিক্ট তা মীওই ২, বিষ্ণুপুর দিষ্ট্রিক্ট তা মীওই ১, সেনাপটিদা মীওই ১২, ঊখ্রূল দিষ্ট্রিক্ট তা মীওই ১, চান্দেলদা মীওই ২ অমসুং তেংনৌপলদা মীওই ১ নি। মসীগা থারগা ষ্টেট অসীদা পূন্না মীওই ১৭৪৭ দেঙ্গী পোজিটীব ওইবা থেংনরে।লাইচ অসী থিংননবা লৈঙাক্না অকনবা থৌরাংশিং লৌখৎপসু হৌখ্রে।মসীগী মরূওইবা লাইওংশিংদি কোক চীকপা, কোক ঙাওবা, ঊন্সাদা মচেৎ মচেৎ ঙাঙশীল্লকপা, হকচাং থীন্দোকপা, লাইহৌ তৌবা অসীনচিংবনি হায়রি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে