দি নাইটম্যের হায়না মিংথোনবা, তেঞ্জীং পুখ্রম্বম্না দিরেক্সন পীবা মনিপুরগী সোর্ট ফীল্ম অসীনা মালেমগী থাক্তা পাঙথোকখিবা তোঙান তোঙানবা ফীল্ম ফেষ্টিভেলশিংদা এৱার্দ কয়ামরুম ফংলকখ্রে। থোইদোক হেন্দোক্না হন্দক্তা পাঙথোকখিবা ইন্দিয়ান পেনোরামা ইন্টর্নেস্নেল ফীল্ম ফেষ্টিভেল ২০২৫-২৬ তা সোর্ট ফীল্ম অসীনা বেষ্ট সাইকোলোজিকেল দ্রামা (ৱার থিম) এৱার্দ ফংলকখ্রে।
ফীল্ম অসীনা গুৱাহাটিদা হন্দক পাঙথোকখিবা জাকরতা ইন্দিপেন্দেন্ট সিনে এৱার্দ -২০২৬ তা বেষ্ট এক্ট্রেস, বেষ্ট স্ক্রিনপ্লে,বেষ্ট ম্যুজিক এৱার্দ নচিংবা ফংখি।ইন্দিয়াগী অতৈ ষ্টেটশিংদা পাঙথোকখিবা ইন্টর্নেস্নেল ফীল্ম ফেষ্টিভেলশিংদসু এৱার্দ কয়ামরুম ফংলকখ্রবনি।
ফীল্ম অসীদা মরুওইবা শক্তম লাংলিবশিংগী মনূঙদা রতন ময়াঙলম্বম,রাগিনি,ভেলেন্টিনা সগাপ্পম, অমিট খেত্রিময়ূম,প্রিয়ালক্সমি লাংপোকলাকপম,প্রিটি লাইশ্রম্নচিংবনি।
ফীল্ম অসীনা তোঙান তোঙানবা এৱার্দশিং ফংলকপদা মনিপুরগী চিফ মিনিষ্টর য়ূম্নাম খেমচান্দনা হরাওবগা লোয়ননা থাগৎপা ফোঙদোরক্লি।মতূঙ তাবদসু মনিপুরগী মিংচৎ পুরকপা ঙম্বা ওইরসনু হায়বা ৱাফম চিফ মিনিষ্টরনা ফোঙদোকখি।
