হৌজিক মনিপুরগী ওইরক্লিবা খুনাইগী, ঙমখৈগী, কাঙলূপকি ঈরাং অমদি পোলিটিকেলগী ইস্যুশিং অসীগী মতাঙদা তোঙান তোঙানবা রাজনিটি দলশিংগী ওইবা ফিরেপশিং করিনো হায়বদু লাউথোক্তুনা মীয়ামদা খঙহনফম থোকই। মনিপুরগী লৈরিবা ইস্যুশিং অসীগী মতাঙদা রিপব্লিকান পার্টী ওফ ইন্দিয়া (আর পি আই) অথৱালে গী ওইনদি ঙসী মশাগী ফিরেপ অদূ লাউথোক্লবা য়াই হায়রি।
ঙরাং ইম্ফালগী কৈশাম্পাৎতা লৈবা আর পি আই (এ) গী ওফিসতা পাউমীশিংগা উনবগী থৌরম অমদা পার্টী অসীগী নেস্নেল জেনরেল সেক্রেটরি মহেশ্বর থৌনাউজম্না ৱাফম অসী ফোঙদোকখিবনি। ঙসী আর পি আই (এ) গী নেস্নেল প্রসিদেন্টসু ওইরিবা য়ুনিয়ন মিনিষ্টর ওফ ষ্টেট ফোর সোসিয়েল জষ্টিস এন্দ এম্পৱার্মেন্ট রামদাস অথৱালে ইম্ফালদা লাক্লগনি অদুগা ঙসীমক মনিপুরগী মীয়াম্না চঙশীল্লিবা খোঙজঙশিং অসীগী মতাঙদা পার্টী অসীগী ওইবা অরেপ্পা ফিরেপ অদূ মীয়ামদা লাউথোক্লগনি হায়না মহেশ্বরনা ফোঙদোকখি।
মনিপুরগী হৌজিক ওইরিবা ফীভম অমদি লৈরিবা ইস্যুশিং অসীগী মতাঙদা মশাগী চপচাবা ফিরেপ মীয়ামদা লাউথোকপা নত্রগা লাউথোকহনবা ঙমদ্রবা পোলিটিকেল পার্টিশিং অমদি মদূগী থৌমীশিং মীয়ামগী থবক তৌরুবগী মথৌ তাদে, ঈশা-ঈশাগী য়ূমদা পোত্থাদুনা লৈবিয়ু হায়না মহাক্না ফোঙদোকখি। ঐখোয়না পোলিটিক্স য়াওনরিবসি ঈমা লৈবাক, ঈরমদম মীয়ামগী থৌগল তৌগে, মীয়াম্না থেংনরিবা অৱাবা, খুদোংচাদবশিং কোকহনগে হায়বগীদমক্তনি, ঈরমদম কন্ননবনি, থীকা তৌননবা পোলিটিক্স য়াওবা নত্তে হায়খি।
You may also like
-
মনিপুরগী ইস্যুশিং অসীগী ৱায়োয়শিন পুরক্নবা ঙসীফাওবদা বি জে পিনা করি তৌখ্রবগে: লোকেন
-
ককচীং মখা লৈকায় নাউদম পরেংগী লম্বী মীয়াম হৌরক্তুনা থিংজিনখ্রে
-
সেন্টরনা মনিপুরগী সেন্সস য়ৈথোরকপা য়াবগী চপচাবা থাজবা লৈ: শান্তা
-
সেন্সস য়ৈথোক্কনি হায়বগী ওর্দর আগষ্ট ৩১ ফাওবদা থোক্ট্রবদি পূঙ ২৪ গী জেনরেল ষ্ট্রাইক চত্থরগনি: জে এফ দি
-
ফীভম হেন্না শোকচীল্লক্লিবা লোক্টাক পাৎ তা শাগৎনরক্লিবা হোম-ষ্টেশিং মীৎয়েঙ চঙবা মথৌ তারক্লি