সেন্টর অমসুং ষ্টেট লৈঙাক অনীনা পূন্না থবক পায়খৎমিন্নদুনা হৌজিক মনিপুরদা থোক্লিবা হীংশাগী ঈরাং অসী লোইশিন্ননবা কনক্রিট ওইবা থবক লৌখৎপিয়ু হায়না মনিপুরগী হীংশাগা মরী লৈনবা ঈরাং অসীদা খম থেংনা নুঙাইতবা ফোঙদোক্লদুনা হান্নগী ইন্দিয়ান ফুটবোল্লর ভাইচুং ভুটিয়ানা ফোঙদোকখ্রে।
লমদম অসীদা মহৌশাগী ঈং-তপ্পা, শান্তিগী ফীভম হঞ্জিলহন্ননবা লোকেল কম্মুনিটিগা খূৎশম্নরগা সেন্তর অমসুং ষ্টেট লৈঙাক্না কোক চূঙশীন্নরগা থবক পায়খৎমিন্নদুনা মনিপুরদা থোক্লিবা হীংশা অসী মূত্থৎপীয়ু হায়না ভূটিয়ানা অশেঙবা পূক্নিং, থম্মোয়গা লোয়ননা মরী লৈনবা পূম্নমক্তা আপিল তৌখিবনি। হৌজিক মনিপুরদা থোক্লিবা হীংশাগী ঈরাং অসী খ্বায়দগী তমথীবা ফীভম অমদা চঙশীল্লক্লি। মসী লাইবক থীবনি। অৱাং-নোংপোক্কি মীওই অমা ওইনা মনিপূরগী হীংশাগী ঈরাং অসীনা ঐখোয় খূদিংমক্কি থম্মোয় কায়হল্লে হায়না মহাক্না ফোঙদোকখি।
মহৌশাগী ঈং- তপ্পা মতৌ অদু হঞ্জিল্লকপা হায়বসি ঐখোয় খূদিংমক্কি অপাম্বনি হায়না ভূটিয়ানা ফোঙদোকখি। মনিপুর অসী মহৌশাগী ফজবনা পীক থন্না লৈবগা লোয়ননা টুরিজম পোটেন্সিয়েল মরাং কায়না লৈরিবা লমদম অমনি। মসীগী ইস্যু অসী খন্নদুনা পারলিয়ামেন্টকি হৌজিক চত্থরিবা মীফম অসীদা খন্নসি হায়না ওপ্পোজিসন মেম্বরশিংনা কয়ারক হাওসতা হৌদোক্লবসু রুলিং এন দি এ লৈঙাক্না খঙশীন- উশিন্নদনা লৈথোক্লিবসি অঙকপা অমনি হায়না মহাক্না ফোঙদোকখি।
You may also like
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে