মনিপুরদা থোক্লিবা অকনবা হীংশাগী ঈরাং অসী লাকশীন্ননবা হোৎনগে হায়রবদি নাকল অনীমক্না খূৎলায় থাদোক্নরগা ৱারী শান্ননবা থৌরাং তৌগদবনি হায়না য়ুনিয়ন মিনিষ্টর কিরেন রিজিজুনা ফোঙদোকখ্রে। মাই হোম, মাই ইন্দিয়া হায়না মিংথোনবা ওরগনাইজেসন অমনা শীন্দুনা পাঙথোকপা নোরথ ইষ্ট ষ্টুডেন্টস ফেষ্টিভেলদা শরুক য়ারদুনা ৱা ঙাঙবদা মিনিষ্টর অসীনা মহাক্কি ওইবা ৱাফম অসী ফোঙদোক্লদুনা হায়, মৈতৈ অমসুং কুকি ফূরূপকি ঈচীল- ঈনাওশিংনা ইন্দিয়া লৈঙাক্না চত্থরক্লিবা ঈরাং অসিগী ৱারোয়শিন পুরক্ননবা থৌশিল অসীদা মপূংফানা থাজবা থম্বিদুনা খূৎলায় হান্না থাদোক্ননবা হোৎনগদবনি।
খূৎলায় পায়নরিমখৈদি কৈদৌনুংদা সোল্যুসন অমত্তা পুরকপা ঙম্লোই। য়ানদবা পূম্নমক শান্তি ওইনা ৱারী শান্নরগা সোল্যুসন পুরক্নবা হোৎনগদবনি হায়খি। হিংমিন্নদুনা লাক্লিবা ঐখোয় মশেল মরক্তা খূৎ থোক্নরগা করি করম্বা সোল্যুসন পুরক্কদৌরিবগে হায়না মহাক্না ফোঙদোকখি। ঐখোয়না নেগোসিয়েসনগী টেবলদা ফম্মিন্নদুনা সোল্যুসন পুরক্ন বা হোৎনগদবনি হায়খি।
মমাঙ চহীগী মে অহুমদা ট্রাইবেল সোলিদারিটি মার্স পাঙথোকখিবা নুমিৎ অদুদা কুকি- মিলিটেন্ট শিংনা হীংশাগী ঈরাং চত্থরকপা হৌরকপদগী ঙসীফাওবা মনিপুরদা ঈরাং লেপ্তনা চত্থরক্লিবনি।
You may also like
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে
-
অফবা লৈঙাক-সাসন হায়বসি ট্রান্সপরেন্সি অমসুং এক্কাউন্টেবিলিটি লৈনা মীয়ামগী য়াইফনবা থবক তৌরিবা লৈঙাক অদূবুনি: বিরেন
-
পারলিয়ামেন্ট মমাঙদা রূলিং-ওপ্পোজিসন অনীগী মরক্তা অমনা অমদা মরাল থঙজিন্নদুনা চাউনা মূক্নবগী থৌদোক চত্থখ্রে
-
ঈং- তপ্পা মনিপুর অমা ওইহন্ননবা হোৎনবদা নাগাশিংগী অচৌবা থৌদাং লৈ: চিফ মিনিষ্টর