মনিপুরদা সেন্টরনা প্রসিদেন্ট রুল (পি আর) থমজিন্দুনা মহৌশাগী ফিভম হঞ্জিল্লক্লবগুম তাৎ-পাৎ তৌরিবা অসিনা করিসু কান্নগদবা লৈতে। মদুগী মহুত্তা মৈতৈশিংনা মশাগী মরমদম মনিপুরগী মফমশিং খূদীঙমক্তা চীঙ-তম খায়দনা অয়ুক- নুংথিল নুমিদাং অমসুং অহীঙ হায়বা খায়দনা মশা মথন্তা চত্থোক চৎশীন তৌবদা অকীবা-তুজুংবা য়াওদনা চৎপা ঙম্বগী থাক্তুদা থমগদবনি।
ঈশাগী ঈরমদমদা চৎথোক-চৎশীন তৌহনবদি য়াহন্দনা থম্লগা মনিপুরদা শান্তি হঞ্জিল্লক্লে হায়না সেন্তর লৈঙাক্না লাউরিবা অসি মীয়ামদা ফোংনা নমথাক তৌবনি, মীনম্বনি হায়না মনিপুরগী ইন্নর পারলিয়ামেন্তরি কন্সটিট্যুয়েন্সিদগী লোক সভা এম পি অঙোমচা বিমোল অকোয়জম্না ফোঙদোকখ্রে। ঙরাং ইম্ফাল নোংচুপ পানাগী মনুং চন্না লৈরিবা কৈশামথোংদা লৈবা মহাক মশাগী য়ূমদা পাউমীশিংগা উনবগী থৌরম অমদা বিমোলনা ৱাফম অসী ফোঙদোকখিবনি। নেস্নেল হায়ৱে হায়বসি নেস্নেল প্রোপর্টি অমনি।
কনাগুম্বা লনাই মীওই নত্রগা লূপ অমত্তনা হায়ৱে থিংবগী থবক চত্থবা য়াদে। কুকি হায়রিবা ইম্মিগ্ৰেন্ট কাঙলূপ অসীনা আইনগী ৱাংমদা মী শিবা য়াবা, অফবা মখলগী খূৎলায়শিং পায়দুনা মনিপুরগী য়েলহৌমী নম্বর ৱান ওইরিবা মৈতৈ ফূরূপ চৎপদা অথীংবা থম্লক্লিবসি মতম য়াম্না শাংলক্লে। মসী ফাওবদা সেন্টরনা অকনবা মীৎয়েং চঙদুনা কুকিশিংবু লাকশীনবা ঙমদবসি সেন্টরগী দিভাইদ এন্দ রুল পোলিসিনি, মনিপুর থুগাইনবা হোৎনরকপগী থৌশিল অদূমক্নি হায়না য়ানীঙদবা ফোঙদোকখি।
You may also like
-
দিল্লিদা চিংননিঙায় ওইবা মওংদা লৈখিদ্রবী প্রিয়ালক্সমীগী জে এ সি শেমখ্রে, মথৌ মঙম পাঙথোকখ্রে
-
অকনবা নোংনা লেন্দস্লাইদ থোকহনবদা মীওই অহুম জে কেদা শিখ্রে
-
কোকোমিগী মাস এৱের্নেস কেম্পেইন ওফ টু য়ার্স ওফ মনিপুর ক্রাইসিস পাক- সন্না পাঙথোকপা হৌখ্রে
-
হান্নগী সি এম বিরেনগীনি হায়বা ওদিও ক্লিপকি ফোরেন্সিক রিপোর্ট এস সিদা লানখৎনবা শেম শাখ্রে
-
য়ুনিয়ন মিনিষ্টর জ্যোটিরাদিত্য এম সিন্দিয়ানা মনিপুরগী গভর্নর অজয় কুমার ভাল্লাগা উন্নখ্রে