বিষ্ণুপুর দিষ্ট্রিক্টকি মনূঙচনবা ঙাইখোং সিফাই মনীঙ লৈকায়দা লৈবি, হৌজিক্না দিল্লিদা লৈবা প্রাইভেৎ কম্পনি অমদা থবক তৌদুনা লৈরম্বা খাঙেম্বম প্রিয়ালক্সমি (২০) অপোকপা জাদুমনি থা অসীগী ১৯ গী অয়ূক্তা মহাক্কি দিল্লিদা লৈবা কাদা য়াম্না চিংননিঙায় ওইবা মওংদা শিদুনা লৈরম্বা থৌদোক্কি মতাংদা ঙাইখোং সিফাইগী মীয়াম্না পেন্দবগী মীফম অমা পাঙথোকখিবগা লোয়ননা জে এ সি এগেন্স দি ব্রুটেল কিল্লিং ওফ কে ঐচ প্রিয়ালক্সমি এট দিল্লি হায়না মিংথোনবা জে এ সি অমসু শেমখ্রে।
জে এ সি অসিনা শীন্দুনা ঙরাং ঙাইখোং সিফাইদা পাঙথোকপা পাউগী মীফম অমদা জে এ সি অসীগী কনভিনর তখেল্লম্বম সুর্জিটনা হায়, প্রিয়ালক্সমি মীশীগী অশেংবা অচূম্বা লংলা-লংজিন পুথোক্তুনা মীয়ামদা জষ্টিস ফংহন্ননবা খোঙথাঙ মনিপুরগী গভর্নরনা লৌখৎপিগদবনি। ইন্দিয়া লৈঙাক্নসু অকনবা মীৎয়েং চঙবিদুনা মীহাৎ অসীগা মরী লৈননা প্রিয়ালক্সমিগী ঈমূঙ-মনূঙ অমসুং মনিপুরগী মীয়ামদা জষ্টিস ফংহনগদবনি হায়খি।
জে এ সি অসিগী কো-কনভিনর নোংমাইথেম বিশ্বরুপ্না হায়, কনাগুম্বা পাউগী কাঙবূনা মথোঙ-মরমদি খঙদনা, মীশী অসীগী মতাঙদা মশানা চৎলগা থিজিল্লুরবা মতূঙদা ইরকপদৌনা পাউ পঙফোঙ ফোঙবিগনু। মশীদি ঐখোয় ঈশানা ঈশাগী খোঙদা শীঙজঙনা য়ান্সীঞ্জবগা চপ মান্নৈ হায়খি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি