হৌখিবা চহী খরগী মমাঙদগী য়েংনরকপদা চৎলিবা চহী ২০২৫ অসিনা রেকোর্দ ওইরবা চাংদা দেঙ্গী লায়নাগী কেস মশীঙ খ্বাইদগী হেল্লে হায়না ষ্টেট লৈঙাক্কি হেল্থ সার্বিসেস দিরেক্তরেটকি ষ্টেটমেন্ট অমদা খঙহল্লক্লি।
হৌখিবা পূঙ ২৪ খক্তদা দেঙ্গীগী পোজিটিব কেস মশীং ১২৪ শুখ্রে।মসীগা লোয়ননা মনিপুরদা চৎলিবা চহী অসীগী ওইনা হৌজিক ফাওবদা কেস মশীং ৩৪৬৫ হেনখ্রে।
লায়না মখল অসীনা খ্বাইদগী শোকহল্লিবা ইম্ফাল ৱেষ্ট দিস্ট্রিক্টকি ওইনা হৌখিবা পূঙ ২৪ গী মতমদা লায়না অসীগী পোজিতিভ কেস মশীঙ ৮৭ ওইখি। দিস্ট্রিক্ট অসীদা চৎলিবা চহী অসীগী ওইনা দেঙ্গীগী কেস মশীঙ পূন্না ২৪১৯ য়ৌখ্রে। ইম্ফাল ইষ্ট দিস্ট্রিক্টকি ওইনা হৌখিবা পূঙ ২৪ দা মীওই ২৫ পোজিতিভ ওইরকপা থেংনখি। দিস্ট্রিক্ট অসীদা চৎলিবা চহী অসীগী ওইনা লায়না অসীগী পোজিতিভ কেস মশীঙ ৬৩৮ ওইরি।
থৌবাল দিস্ট্রিক্ট তা হৌখিবা পূঙ ২৪ দা মীওই ২, ঊখ্রূলদা মীওই ৫, সেনাপটিদা মীওই ১, বিষ্ণুপুরদা মীওই ১, কাংপোকপীদা মীওই ১ অমদি চুরাচান্দপুরদা মীওই ২ দেঙ্গী লায়নাগী কেস মশীং থেংনখি।হন্দক্কি চহী অসীদা বিষ্ণুপুর দিস্ট্রিক্টতগী মীওই অমখক লায়না অসীনা মরম ওইদুনা শিখি।মদূ নত্তনা হৌজিকফাওবদি অতোপ্পা মীওই অমত্তা শিহনখিবা লৈত্রি। মীয়াম্না চেকশীন্না লৈননবা ষ্টেট লৈঙাক্কি হেল্থ অথোরিটিনা চেকশীল ৱাফম থম্লক্লি।জিরিবাম অমসুং ফের্জোল হায়রিবা দিষ্ট্রিক্ট অনী অসীদদি চহী অসীগী ওইনা হৌজিক ফাওবদা দেঙ্গী পোজিটিব কেস অমত্তা থেংনদ্রি হায়রক্লি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে