লমদম অমদা খুন্দারিবা মীওই কাঙলূপশিংগী নাৎ-কলচর, চৎনবী অমসুং ফীজেৎ-লৈতেংগী মওং-মতৌ কয়া মালেমগী কম্যুনিটিশিংদা ফোঙদোক্তুনা খঙহনবদা য়াম্না মরূওইবা মেদিয়ম অমা ওইরিবা সিনেমাগী খোঙচৎ মনিপুরদদি য়াম্না ফীভম শোকথনা লৈরকখিবনা তম্বা ঙমদবা থাক অমদা লৈরক্লে।
মমাঙগী কুমশিং ২০২০গী অঙনবা শরুক্তগী হৌরকখিবা কোবিদ-১৯ গী লাইচৎ অমসুং কুমশিং ২০২৩ গী অঙনবা মতমদগী হীঙশাগী ঈরাং মায়োক্নরগা লাক্লিবা মনিপুরদা মহৌশা সিনেমা হোল ৮০ গী মথক্তা লৈরম্বা অদু ঙসীদি চাদা ৬০ গী চাংদা হন্থরক্তুনা মনিপুর পূম্বগী ওইনা হৌজিক ফঙ্কসন তৌদুনা ফীল্ম কাপ্লিবা সিনেমা হোলগী মশীং অসী সূপ্নগী ৪৭ লোমদমক লৈহৌরি হায়না ফীল্ম ফোরম মনিপুরগী সর্ভে অমদা ফোঙদোরক্লি।
য়ুনাইটেদ সিনে এগজিবিটর এসোসিয়েসন ওফ মনিপুরনসু হৌজিক হৌজিক মনিপুরদা চহী অমদা ফিল্ম ১০ দগী হেন্না পুথোকপা ঙমদ্রে হায়রি। চহী খরগী মমাঙদদি মনিপুরদা চহী অমদা ফীল্ম ৭০/৮০ রোম হেন্না পুথোকপা ঙম্লম্বনি। ফীল্ম কাপ্পা সিনেমা হোল অমদা য়ামদ্রবদা মীওই তরারোম থবক পীরম্বনি অদূবু মনিপুরদা সিনেমা হোলশিং মূত্থরকপদগী সেক্তর অসিদা থবক তৌরম্বা মীওই শিং অতোপ্পা মফমশিংদা শিনফম হোংদোক্নখ্রে। হৌজিক হৌজিক ইম্ফাল এরিয়াদা সিনেমা হোল অনীদগী হেন্না চল্লাইদ্রে।