মনিপুরদা ঈং-তপ্পা শক্তম হঞ্জিল্লক্ননবা য়ুনিয়ন লৈঙাক্না হোৎনরক্লিবসিদা কুকি- জো কাঙলূপকি সিভিল সোসাইটি ওরগনাইজেসনশিং অমসুং সূ দা লৈরিবা লূপশিংনা শৌগৎলক্লবদি মনিপুরদা প্রাইম মিনিষ্টর নরেন্দ্র মোদি শোয়দনা লাক্কনি হায়না বি জে পি মনিপুর প্রদেশকি জেনরেল সেক্রেটরি কে শরৎকুমারনা ফোঙদোকখ্রে।
ঙরাং ইম্ফালগী নিত্যাইপাৎ চুথেক্তা লৈবা থম্বাল শঙলেন্দা পাউমীশিংগা উনবগী থৌরমদা মহাক্না ৱাফম অসী থম্লকখিবনি। মনিপুরদা প্রাইম মিনিষ্টর নরেন্দ্র মোদি লাক্কদৌরি হায়বগী পাউদি তায় অদুবু বি জে পি মনিপুর প্রদেশতা মদূগী পাউ চপচানা পীরকপদি হৌজিক ফাওবগী ওইনা লৈতবনা করি নুমিত্তা প্রাইম মিনিষ্টর লাক্কদগে হায়বা ঙমদে। লাকপা তারবদি হৌজিক থোক্লিবা হীঙশাগী ঈরাং অসী লৈররোই, ৱারোয়শিন অমা শোয়দনা পুরক্লগনি হায়বগী থাজবা লৈ হায়খি।
মহাক্না মখাতানা হায়, প্রাইম মিনিষ্টর নরেন্দ্র মোদি মনিপুরদা লাক্তে হায়দুনা কংগ্রেস পার্টিনা ঙাঙবা-শকপা ময়ামদু হৌজিক প্রাইম মিনিষ্টর লাক্লগনি হায়বা মতাঙ অমা লাক্লবনিনা অমুক ৱাকায় শূদুনা লাক্তনবা হোৎনরক্লগনি। এম পি সি সীগী ও বি সি দিপার্টমেন্ট গী ষ্টেট চ্যেরপার্সন ওইরিবা সাকির অহম্মদনা সোসিয়েল মেদিয়াদা ৱাকায় তৌদুনা কাঙলূপকি ঈরাঙ শাগৎনবা হোৎনরিবসি য়াম্না লাইবক থীবনি হায়না থমখি। বি জে পি না অসীগুম্বা ঈরাং শাগৎনবা কৈদৌনুংদা হোৎনখিবা লৈত্রি হায়না মখাতানা মহাক্না ফোঙদোকখি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা