লৈঙাক্না পাস তৌখ্রবা মনিপুর ওফিসিয়েল লেঙ্গুয়েজ এক্ট, ১৯৭৯ ঙসিফাওবা মপূঙফানা চৎনহন্দনা, নাথৈদুনা থম্লিবসি লমদম অসীগী মীয়ামগী ওইনা য়াম্না ঈকায়নিঙায়নি, য়াম্না লাইবক থীবা অমনি হায়না মনিপুরি ষ্টূদেন্টস ফেদরেসনগী প্রসিদেন্ট হিজম রোসন্না নুঙাইতবা ফোঙদোকখ্রে।
মহৈরোয় লূপ অসী লিংখৎখিবগী ২৭ শুবা কুম্মোন থৌরম ঙরাং ইম্ফালগী ক্বাককৈথেলদা লৈবা লূপ অসীগী ময়ায় লোয়শঙদা পাঙথোকখিবা থৌরমদা রোসন্না ৱাফম অসী ফোঙদোকখিবনি। হৌজিক মনিপুরদসু নেস্নেল ইদুকেসন পোলিসি, ২০২০ চৎনরবসু লৈঙাক্না হান্নদগী শেমদুনা চৎনহনখ্রবা ইদুকেসন পোলিসি অয়াম্বা ঙসিফাওবা নাথৈদুনা থম্বিরিবসি য়াম্না লাইবক থীবনি হায়না মহাক্না থমখি।
ফাউন্দেসন দেগী থৌরমদুদা অমুকোগী প্রসিদেন্ট শোরোকখাইবম সঞ্জয়, পোইরৈ লৈমরোল মৈরা পায়বী অপূনবা মনিপুরগী প্রসিদেন্ট সোরাইসম মেমচা লৈমা, ওল মনিপুর ৱিমেন্স ভলন্টরি এসোসিয়েসনগী প্রসিদেন্ট য়ূমখায়বম কুঞ্জ রানি, পাঙল ষ্টুডেন্টস ওরগনাইজেসনগী প্রসিদেন্ট কে ঐচ শেরাজ্জুদ্দিন নচিংবা মীওইশিংসু শরুক য়াখি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে