হৌজিক মনিপুরগী ঙমখৈ পরীংদা ইন্দো-ম্যান্মার বোর্দরনি হায়দুনা লৈরিবা বোর্দর পিল্লরশিং অমসুং ঙমখৈগী শম্বলশিং অসী অরানবনি।মসীদি মনিপুর -ম্যান্মার তাইনরিবা ঙমখৈগী পরীংদা কনা-কনানা খুন্দারি হায়বা খঙদনা,অদূঙৈ প্রাইম মিনিষ্টর জৱাহরলাল নেহরুগী মতমদা দিল্লিদা লৈবা,শূকখঙদি খঙদনা মখূৎ য়াম্না লেঙবা খরনা টেবলদা য়েকখিবা অরানবা ঙমখৈনি হায়না ফুংয়ার কেন্দ্রগী এম এল এ লৈশিও কৈশীংনা ফোঙদোরকখ্রে। হৌজিক লৈরিবা বোর্দর পিল্লরশিং অসী ফূক্তোক্লগা নৌনা ঙমখৈ শম্বল খাগদবনি।মদূ নত্রবদি তাঙ্খুলশিংনা কৈদৌনুংদা য়াবা ঙম্লোই,মতম লৈবা খিবিক্তা য়েৎকনি হায়না এম এল এ কৈশীংনা হায়খি।
এন ঈ সি শিল্লোংগী মখাদা খোকপী হোর্টিকলচর কোওপরেটিব সোসাইটি লিমিটেদ,চাত্রিক ভিল্লেজনা শীন্দুনা চাত্রিক ৱাইখূলেন্দা পাঙথোক্কদবা নুমীৎ নীনীগী ওইবা,মঙারকশুবা দিষ্ট্রিক্ট লেভেল চাত্রিক সিবাথৈ (উ-মোরোক) ফেষ্টিবেল হৌদোকপগী থৌরমদা মহাক্না ৱা ঙাঙবদা ৱাফম অসী ফোঙদোকখিবনি।চাত্রিক খুনগী চীঙয়াঙদা য়ুংদুনা লেপ্লিবা বোর্দর পিল্লর অসী পূম্লান লাল্লবা,চুমদ্রবা অমনি।হৌজিক্না ম্যানমারগী এরিয়ানি হায়রিবা অঙ্গো চীঙগী ৱাংমদা লৈরিবা চিনদ্বিন তুরেল অসীফাওবা মনিপুরগী লম ওইরম্মি।মফম অসীগী অকোয়বদা ঙসীসু তাঙ্খুল-নাগাশিংনা খুন্দাদুনা লৈরি।
লুহোংবা য়াওনা অতৈ থবক-থৌরমশিংগীদমক ঐখোয় মশেল চঙথোক-চঙশীন তৌনরিবনি অদূবু ঙসিদি এফ এম আর লৌথোকখিবদগী অথীংবা লৈরে।বোর্দর পিল্লর নৌনা শেমদোক্তুনা ঙমখৈ-শম্বল নৌনা খাগদবনি।মতমদুদা এফ এম আরগী মথৌসু তাররোই হায়না লৈশিওনা মখা তাখি। হীরম অসীগী মতাঙদা পূঙ ৩ দগী তাদনা মনিপুর লেজিসলেটিব এসেমব্লি দা দিবেৎ তৌবা পাম্মি হায়খি।