লাক্লিবা নবেম্বর থাগী ৮ দগী হৌরগা নুমীৎ মঙানি চূপ্না মনিপুর ইন্টর্নেস্নেল টেক্সটাইল এক্সপো (মানিটেক্স) ইম্ফালদা হৌরগনি হায়না ষ্টেট লৈঙাক্কি হেন্দলূম এন্দ টেক্সটাইল্সকি দিরেক্তর এলাংবম জিটেন্না ঙরাং পাউমীশিংদা ফোঙদোকখ্রে।মহাক্না হায়,হন্দক পাঙথোক্কদৌরিবা ইন্টর্নেস্নেল টেক্সটাইল এক্সপো অসীদা মালেমগী লৈবাক, য়ামদ্রবদা ১০ না শরূক য়াগনি।
হৌজিক ফাওবদা বংলাদেস,ফ্রান্স,জাপান,ইটালি,ষ্পেন্নচিংবা লৈবাকশিংদগী বায়িং হাওসশিংনা এক্সপো অসীদা শরূক য়াগনি হায়না থাজবা পীরকপসু লৈরে অদূগা য়ামদ্রবদা লৈবাক ১০ না শরুক য়াগনি হায়বগী খঙহল্লকপা লৈরে হায়না দিরেক্তর অসীনা মখাতানা ফোঙদোরক্লি।হৌখিবা কুমশিং ২০১৮ দগী হৌরগা ষ্টেট লৈঙাক্কি মরী লৈনবা অথোরিটিশিংগী মপূঙফাবা মতেংগা লোয়ননা দিপার্টমেন্ট অসীনা চহী খূদীঙগী ইন্টর্নেস্নেল টেক্সটাইল এক্সপো অসী পাঙথোক্তুনা লাক্লিবনি।
লমদম অসীগী নাৎ অমসুং কলচরগা মরী লৈনবা মোতিব অমসুং দিজাইনশিং য়াওবা হেন্দলুম অমসুং হেন্দিক্রাফকি পোৎলম কয়ামরুম হন্দক্কি এক্সপো অসীদা ঊত্তুনা মনিপুরগী হেন্দলুম অমসুং হেন্দিক্রাফকি তোমথিন ওইরবা পোৎলমশিং অসী মালেমগী কৈথেলশিংদা পাক -সন্না ফংহন্দুনা মসীগী মার্কেটশিং হেন্না পাকথোক -চাউথোক্নবা হোৎনরি হায়না মহাক্না ফোঙদোকখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে