মনিপুরদা হৌজিক প্রসিদেন্ট রুল থমজিন্দুনা মীয়াম খম থেংনা খুদোংচাদবশিং মায়োক্নহল্লিবা অসীবু য়ানিংদবা, মশীঙ য়াম্বা লমদমসিগী মীয়াম্না মৈ হৌনা অশাওবা কয়ামরুম ফোঙদোক্নরক্তুনা বি জে পিগী মথক্তা সিভিল ৱার ফাওবা হৌরকপা য়াবগী থাক য়ৌশিল্লক্লি। চৈরকশিদা বি জে পিগী এম এল এশিং চৎলিবা ওক্তোবর থা অসীগী ৫ দগী হৌনা মথঙ মথঙ ন্যু দিল্লিদা পাইশিন্নখিবগা লোয়ননা মনিপুরদা পোপ্যুলর লৈঙাক শেমজরগে হায়না নেস্নেল লিদরশিংদা তকশীনগদবগী কেম্প তৌদুনা লৈরকখিবনি।
থা অসীগী ৮ গী নুমিদাংদা উচিন- নাচিন্না ওরিষ্যাগী এম পিসু ওইরিবা বি জে পি মনিপুরগী ইন-চার্জ সম্বিট পত্রাগা উনদুনা ৱারী শানখ্রে। উনখিবা অদূদা মনিপুরদা থম্লিবা পি আর অসী য়াম্না অথূবা মতমদা লৌথোকপগা লোয়ননা বিহারগী এসেম্বলী ইলেক্সন মমাঙদা পোপ্যুলর লৈঙাক অমা মনিপুরদা থম্ননবা থবক পায়খৎলগনি হায়বগী চপচাবা থাজবা পীরকখ্রে হায়রক্লি। ঙসীসু মখাতানা পার্টী অসীগী জেনরেল সেক্রেটরি (ওরগনাইজেসন) ওইরিবা বি এল সন্তোসকা ঊনগদৌরি।
উনবা অসীদা এম এল এ টি ঐচ বিশ্ব জিৎ, হান্নগী চিফ মিনিষ্টর এন বিরেন, গোবিন্দাস কোন্থৌজম, য়ূম্নাম খেমচান্দ অমসুং মনিপু্র লেজিসলেটিব এসেমব্লিগী স্পিকর থোকচোম সত্যব্রত্ত শরুক য়াগনি হায়রি। এম এল এশিং অসীনা হেন্না পামজরিবদি রাজনাথ, আমিট শাহা, নরেন্দ্র মোদিনচিংবা লুচিংবশিং উনবা অদূনি। ফীভম অসী ঙসী-হয়েংগী ওইনদি ওইথোক্কদবা মান্দেসু হায়নরক্লি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা