মতম চানা রিন্যু তৌহৌদবা আধার অমত্তা মনিপুরদা চৎনররোই। আধার ইস্যু তৌনবগী অনৌবা, য়াম্না অকূপ্পা রুল চৎনরগনি হায়রি। ষ্টেট অসীদা আধার পীবগী অনৌবা কাঙলোন নৌনা শেমদোকখিবগা লোয়ননা ইন্দিয়াগী মনূঙদা আধার ইস্যু তৌবদা খ্বায়দগী চেকশীনবা ষ্টেট অসী মনিপুরনা ওইগদৌরে। হীরম অসীগী মতাঙদা ষ্টেট লৈঙাক্কি কম্মিস্নার কম সেক্রেটরি (হোম) এন আশোক কুমারনা হায়, নৌনা চৎনগদৌরিবা আধার ইস্যু তৌবগী কাঙলোন অসীদি আধার ইস্যু তৌবিয়ু হায়না এপ্লাই তৌরক্লিবা এপ্লিকান্টশিং অদূগী অশেংবা মরী- মখোঙ, হৌরকফমনচিংবগী মতাঙদা য়াম্না কূপ্না থিগত্তুনা য়েংশিল্লবা মতূঙদা মনিপুর লৈঙাক্কি স্পেসিয়েল সেক্রেটরি (হোম) না অয়াবা পীরবা মতমখক্তদা আধার ইস্যু তৌহল্লগনি।
হীরম অসীগী মতাঙদা ইম্ফালগী রাজ ভবন্দা গভর্নর অজয়কুমার ভাল্লানা চ্যের লৌদুনা, ষ্টেট লৈঙাক্কি হোম দিপার্টমেন্ট, সোসিয়েল ৱেলফ্যের, এদুকেসন দিপার্টমেন্ট অমসুং য়ু আই দি এ আইগী মকোকথোংবা ওফিসিয়েলশিং য়াওবা অখন্নবা মীফম অমা ঙরাং পাঙথোক্তুনা আধার এনরোল তৌবগী মতাং, অপদেট তৌবগী অমসুং অতৈ ইস্যু কয়াগী মতাংদা খন্নরবা মতূঙদা নৌনা আধার পীননবগী ৱারেপ অসী লৌখিবনি।
ষ্টেট অসিদা মীতোপ-মীয়ান কয়ামরুম লোন্না চঙশীল্লক্তুনা লমদমসিগী ইকোনোমি, দিমোগ্ৰাফি অমসুং পোলিটিটিক্সতা চাউনা শীঙনরক্লিবা কয়া অসী য়েংলগা মীতোপ- মীয়ানশিং কনা কনানো হায়বদু মশক খঙদোক্তুনা তান্থোকখিবা ঙম্ননবা পান্দমদা অনৌবা থৌরাং অসী লৌখৎলকপনি হায়রি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা