মনিপুরদা মহৌশাগী শক্তম হঞ্জিল্লক্তুনা,ঈঙ- তপ্পা লমদম অমা পুরক্লসনু হায়বা শান্তিগী পাউজেল পুবা সাইকলগী-খোঙচৎ অমদা দিল্লিদগী ইম্ফাল তম্না লাক্লিবা মালেম থোঙাম ঙরাং অয়ূক পূঙ ৪.৩০ তাবদা ইম্ফাল ৱেষ্ট দিস্ট্রিক্টকি সেকমাইদা থুংলখ্রে।
মহাক্কি শান্তিগী পাউজেল পুবা খোঙচৎ অসী কুকি-জো কম্যুনিটিদা কাইহৌবনি হায়না কম্মিটি ওন ট্রাইবেল য়ুনিটি (কোটু) গী মায়কৈদগী লাউথোকখিবগা লোয়ননা সেনাপটিদগী কাংপোকপী ফাওরক্কদৌরিবা ট্রান্সজেন্দর সোসিয়েল এক্টিভিষ্ট মালেম থোঙাম অসী খুদোংথীবা শোয়দনা মায়োক্নগনি হায়বা চেরোল অমসু কোটুনা থা অসীগী ১৭ তা থাদোরকপা লৈখ্রবনি।কোটুগী ৱার্নিং কয়া লৈজরবসু মালেম থোঙাম, বি এস এফ পার্সনেলশিংনা চেকশীন্না ঙাক-শেন্দুনা মহাক্কি খোঙচৎ মখাতানা চত্থরকখি।
কোটুগী থৌমীশিংনা ঈঙলবা নিংথমথাগী অহীঙদা ফৈজূপ অথাবা মনূঙদা নুঙাইনা তূমদুনা লৈরিঙৈ তাল্লক্তা মালেম থোঙাম না সাইকল থৌদুনা কাংপোকপি লান্থোক্লকখিবনি। ঙসী মহাকপু সেকমাইগী ঈমা-ঈবেলশিংনা অয়ুক্কি পূঙ ১০.৩০ তাবদা তরাম্না ওকপগী থৌরম পাঙথোক্কদৌরি।মদূগী মতূঙদা ইম্ফালগী কংলাদা থুংলরগনি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা