খ্বাইরম্বন্দ কৈথেল অমসুং ইম্ফালগী ককৱা কৈথেলদা থা অসীগী ১০ অমসুং ১১ দা স্কুল, কল্লেজগী মহৈরোয়শিংনা হীংশা য়াওবা অকনবা ঈরাং চত্থরকখিবদগী পুলিশ পার্সনেলশিংগা চাউনা মূক্নবগী থৌদোকশিং থোক্লক্তুনা নাকল অনীমক্তা অশোক- অপন থোকখিবদু মহৈরোয়শিংদা অতম্ননা ইন্সটিগেটরশিংনা হীংশা চত্থননবা ঈনশীন্দুনা পূক্নিং থৌগৎপা য়াওরকপদগীনি হায়না ষ্টেট লৈঙাক্কি হোম দিপার্টমেন্ট না ফোঙদোকখ্রে।
মনিপুর পুলিসকি আই জি পি (ইন্ট লিজেন্স) কে কবিবনা ৱাফম অসি ফোঙদোরকখিবগা লোয়ননা মখা তানা হায়, খ্বাইরম্বন্দ কৈথেল অমসুং ককৱাদা মহৈরোয়শিংনা খোঙজঙ চঙশীনখিবদু অহানবদদি য়াম্না ঈং-তপ্না, শান্তি ওইনা চঙশীল্লকখিবনি। খঙহৌদনা খোঙজং অদূ মহৈরোয়শিংনা হীংশা য়াওরকখিবদগী মনিপুর পুলিসকি মায়কৈদগী মোব কন্ট্রোল তৌননবা হোৎনবদা থোকহন্নিংদবা থৌদোকশিং অদূ থোকখ্রে। শান্তি ওইনা চৎলম্বা খোঙচৎ অদূ খঙহৌদনা হীংশা য়াওরকখিবদু ইন্সটিগেটরশিংনা খূৎ চঙলক্তুনা ঈনশীল্লকপদগীনি হায়না কে কবিব না ফোঙদোকখি।
ইন্সটিগেটরশিংনা ককৱাদা ফায়র আর্ম কয়া শীজিন্নরকখি অদুগা খ্বাইরম্বন্দ দনা পেট্রোল বোমনচিংবা খোঙজঙলোয়শিংনা শীজিন্নরকখি। থৌদোক অদুদা খোঙজঙ চঙশীনখিবা মীওইশিং অদুনা নাউরিদা য়োৎতেক অমসুং নূঙনা মরূ ওইদুনা পুলিসতা কাপ্লকখি হায়খি। থৌদোক অদুদা মহৈরোয় ৭০ হেন্না শোকখি অদুগা পুলিশ পার্সনেল ১০ হেন্না শোকখি হায়না কবিবনা ফোঙদোকখি। চহী নৌরিবা অঙাঙশিং অসীগুম্বা হীংশা য়াওবা খোঙজংদা শরুক য়াহনবিগনু হায়না মহাক্না মমা-মপা ওইবশিংদা আপিল তৌখি।
You may also like
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে
-
অফবা লৈঙাক-সাসন হায়বসি ট্রান্সপরেন্সি অমসুং এক্কাউন্টেবিলিটি লৈনা মীয়ামগী য়াইফনবা থবক তৌরিবা লৈঙাক অদূবুনি: বিরেন
-
পারলিয়ামেন্ট মমাঙদা রূলিং-ওপ্পোজিসন অনীগী মরক্তা অমনা অমদা মরাল থঙজিন্নদুনা চাউনা মূক্নবগী থৌদোক চত্থখ্রে
-
ঈং- তপ্পা মনিপুর অমা ওইহন্ননবা হোৎনবদা নাগাশিংগী অচৌবা থৌদাং লৈ: চিফ মিনিষ্টর