ম্যান্মার জুন্টা অমসুং প্রো- দেমোক্রেটিক ফোর্সশিংগী মরক্তা চহী অহুম হেন্না অকনবা লান শোক্নদুনা চায়ন-পূঙ ওনখিবদগী খুন্তাক-লান্সিদুনা লৈরক্লিবা ম্যান্মারদা ঙরাঙ অয়ূক পূঙ ১১ রোম তারকপা মতমদা খঙহৌদনা রিক্টর স্কেলদা মেগনিচুদ ৭.৭ য়ৌনা হাখিবা য়ুহার অমনা লৈবাক অদুগী লন-থুম, বিল্ডিং, লম্বী-থোং, পৱার-লাইন, কম্যুনিকেসনগী ইনফ্রাষ্ট্রকচর অয়াম্বা মাঙ-তাকহনখিবগী মথক্তা হৌজিক ফাওবগী ওইনা মীওই ২০০ রোম হাৎলম্লে।
অতৈ মীওই কয়া য়ুহার অদূনা শোকহনখিবতা নত্তনা মীওই লীশিং কয়া অতেক- অকায়শিংনা ননশিন্দুনা লৈখ্রে। অশীবা মীগী মশীঙ কা হেন্না হেঙ্গৎলক্তুনা পূন্না মীওই লাক্ষ অমরোম য়ৌরবা য়ারি হায়না পানরি। মনিপুরদসু য়ুহার অদূগী অচৌবা ঈৱায়- ইনিল ফংদুনা নীকখ্রে। ম্যান্মারগা থংনরিবা থাইলেন্দদসু কা হেন্না অকনবা চৈথেঙ ফংদুনা অকনবা মওংদা নীক্লকপদগী মীয়াম মশা- মশাগী য়ূমদগী চেন্থোক্নরকখ্রে হায়রি।
মন্দলে মনাক্তা লৈবা মফম অমদা ইপিসেন্টর ওইখিবা য়ুহার অদূ লৈমায়দগী কিলোমিটর ১০ লুথবা মফম অমদগী নীক্লকখিবনি হায়না য়ু এস জিওলোজিকেল সর্ভেগী রিপোর্টনা ফোঙদোরকখি। থাইলেন্দ দা লৈবা বিল্ডিং, লম্বী- থোং, ইনফ্রাষ্ট্রকচর কয়ামরুমসু মাঙহন- তাকহনখ্রে। চাইনাগী য়ুনান সিটিদসু মেগনিচুদ ৭.৯ য়ৌনা নীক্তুনা য়ুহার অদূগী চৈথেঙ ফংখি হায়না চাইনা আরথক্বেক নেটৱার্ক সেন্টরনা ফোঙদোকখি। বংলাদেস, ৱেষ্ট বেঙ্গলগী কোলকত্তাদসু য়ুহার অদূগী ঈৱায়- ইনিল চাউনা ফংদুনা নীকখি হায়রি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে