মনিপুরগী তমেংলোং দিষ্ট্রিক্টকি খূঞ্জাশিংগী মরক্তা লমগী ৱাহৌদগী খৎন- চৈনবা থৌদোক অমদা ঙরাং নুংথিল খুঞ্জা কয়ামরুম শোকপদগী হোস্পিটাল য়ৌনখ্রে। তমেংলোং দিষ্ট্রিক্টকি খুঞ্জাও, দাইলোং, দুলান, তমেংলোং টাউন, দুগালোংনচিংবগী খুঞ্জাশিংগী মরক্তা হীঙশা য়াওবা খৎন- চৈনবগী ঈরাং অদুদা শোকপদগী মীওই কয়ামরুম হোস্পিটালাইজ তৌখিবনি।
ফিভম অদুগী ইন্টেন্সিটি য়েংলগা তমেংলোং দিষ্ট্রিক্টকি মেজিস্ট্রেট দা. এল আংশিং দংশৱানা খুদক্ত গী মতম কক্ত না অথীংবা থমজিনখ্রে। অথীংবা অদুগী মতূঙ ইন্না কনাগুম্বা মীওই মঙা নত্র গা মঙাদগী হেনবা মীওইশিং লম্বীদা, লমজাউদা অমসুং য়ূমশিংগী মপান্দা থোক্লক্তুনা পূন্সীন্দুনা লৈবা, মী শিবা য়াবা মখলগী খূৎশু-খূৎলায়শিংসু অমত্তা লোয়নদুনা চত্থোক-চৎশীন তৌবা য়ারোই হায়না খঙহনখ্রে।
ভার্টিয়া নাগরিক সুরক্সা সনহিত্য-২০২৩ গী সেক্সন ১৬৩ গী মখাদা অথীংবা অদূ মতম কক্ত না থমজিনখিবনি। চৈরকশিদা, তমেংলোং দিষ্ট্রিক্ট টাউন চরচ য়ুনিয়নগী প্র সিদেন্ট দা. গুইগুংদাইনা শান্টিগী পাউজেল পীরদুনা ঐখোয় মশেল মরক্তা নুংশি-চান্ন না লৈমিন্ন সি, খৎন- চৈনবনা নুঙাইবা, কান্ন বা, তোংজবা অমত্তা কনানসু ফংহৌগদবা লৈতে হায়না মীয়ামদা নুংশি-চান্ন না লৈমিন্ননবা আপিল তৌখি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে