এনভায়রনমেন্ট অমসুং ক্লাইমেট এক্তিভিষ্ট অমা ওইনা লৈরিবা মনিপুরগী চহী নৌরিবি নূপীমচা কাঙুজম লিসিপ্রিয়াদা নেস্নেল য়ূথ এৱার্দ পীদূনা অৱাংবা থাক্তা ঈকায়খুম্নবা ঊৎখ্রে। চহী খূদীংগী জানুয়ারি ১২ দা ইন্দিয়া শীন্থুংনা পাঙথোকপা শ্বামি বিবেকানন্দগী মপোক কুম্মোনগা মরী লৈনবা নেস্নেল য়ূথ দেগী থৌরমদা নেস্নেল য়ূথ এৱার্দ অসী পীবনি। লিসিপ্রিয়ানা মনিপুরগী, ইন্দিয়াগী অমসুং মালেমগী শান্তি পুরক্ননবা, ঈশীঙ-নুংশিৎকি অমসুং এনভায়রনমেন্ট কি ফিভম ফগৎহন্ননবা লৌরিবা থৌদাংশিংবু শকখঙবা অমসুং ঈকায়খুম্নবা ঊৎপা ওইনা য়ুনিয়ন ট্রাইবেল এফ্যিয়র্স মিনিষ্টর জোয়েল ওরামনা লেমজনিঙায় ওইরবা এৱার্দ অদু পীখিবনি।
শ্বামি বিবেকানন্দগী ১৬২ শুবা মপোক কুম্মোনগা মরী লৈনবা নেস্নেল য়ূথ দেগী মপূঙ ওইবা থৌরম অদু ন্যু দিল্লিদা লৈবা কন্সটিট্যুসন ক্লব ওফ ইন্দিয়াদা পাঙথোকখিবনি। থৌরম অদুদা বি জে পিগী এম পি মনোজ টিৱারি অমসুং অতৈ শক্নায়রবা মীওই কয়া শরুক য়াখি।
মনিপুরদা থোক্লিবা হীঙশাগী ঈরাং অসী অথুবা মতমদা লোইশিন্ননবা সেন্টরগী মায়কৈদগী অকনবা মীৎয়েং চঙবিদূনা হোৎনবিয়ু লোয়ননা মৈতৈবু সেদ্যুল্ড ট্রাইবকি লিষ্ট তা চলহন্ননবা খোঙথাঙ লৌখৎপিয়ু হায়না লিসিপ্রিয়ানা মিনিষ্টরদা হায়জখি। মিনিষ্টরনসু পূম্নমক থবক্তা ওন্থোক্ননবা হোৎনগনি হায়না থাজবা পীখি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে