চৎলিবা ওক্তোবর থা অসীগী ২৩ দা ম্যান্মারদা খূৎ থোক্নবগী থৌদোক অমদা লৈখিদ্রবা প্রিপাক (প্রোগ্ৰেসিব) কাদর অনী অমসুং পি এল এ গী কাদর অমগা, পূন্না কাদর অহুমগী থৱায় য়াওদ্রবা হকচাংশিং মশা-মশাগী ঈমূং-মনূংশিংদা খূৎশীন্নখ্রবা মতূংদা ঙরাং প্রিপাক (প্রো গ্ৰেসিব) কি কাদর অনীগী অরোয়বা মথৌ-মঙম পাঙথোকখ্রে।
রেদ আর্মিগী কেপ্তেন ৱাহেংবম শরতকুমার এলাইজ সিং এলাইজ সোপাইবা অপোকপা দেবা, হীয়াংলম অৱাং লৈকায় অমসুং লেঞ্চ কোরপোরেল নোংমাইথেম বোনিসনা এলাইজ নোংদোন অপোকপা এন রাজু ৱাংখৈ অঙোম লৈকাইগী থৱায় য়াওদ্রবা হকচাংশিং মীয়াম্না মপূংফাবা ঈকায়খুম্নবা ঊত্তুনা হৈকৎ লৈকৎ তমদুনা অরোয়বা মথৌ- মঙম পাঙথোকখ্রে। পি এল এ গী কেপ্তেন ওইনাম গুলু এলাইজ বাবু, অপোকপা ওইনাম কুঞ্জোগী হকচাংদি ঙরাং মথৌ- মঙম পাঙথোকখিদ্রি হায়রি।
আইন্না থিংখ্রবা লূপশিংগী কাদরশিং অসীগা কুকি নেস্নেল আর্মি (বি) অমসুং পিপলস দিফেন্স ফোর্স (পি দি এফ) কি অপূনবা খূৎপূ অমগা থা অসীগী ২৩ দা খূৎ থোক্নখিবদা মখোয় অহূম লৈখিদবনি হায়রি। মশীং য়াম্লবা মীয়ামগী মীকপ-মীরাওখোল মরক্তা মীয়ামগী মপূংমফাবা ঈকায়খুম্নবা ঊত্তুনা হৈকৎ লৈকৎ তমদুনা ইম্ফাল নোংচুপ পানাগী ইরোইশেম্বা থোঙাক লাইরেম্বী চীঙ্খোঙদা অরোয়বা মথৌ-মঙম পাঙথোকখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে