কামজোং উখ্রূল পরীংদা ঙমখৈ শম্বল খাবা য়ারোই হায়দুনা খুঞ্জাশিংনা থিংখ্রে

ইন্দো-ম্যান্মার ঙমখৈগী ঊখ্রুল অমসুং কামজোং পরীংদা ঙমখৈ শম্বল খাননবা সর্ভে তৌবা লাকপা ওফিসিয়েলশিং কামজোং দিষ্ট্রিক্ট কি রামফোই এরিয়াগী খুঞ্জাশিংনা অথিংবা পীদূনা তান্থোকখ্রে। ম্যানমারগী নিংথি তুরেল ফাওবা মনিপুরগী লম্নি হায়দুনা খন্দুনা লৈরিঙৈ চৈরক্তা উখ্রূল অমসুং কামজোং এরিয়াগী ম্যান্মার গা তাইনরিবা ফাইকোক্তা লৈরিবা বোর্দর পিল্লর নম্বর ১০৪ দগী কামজোং গী  অৱাং নোংপোকথংবা শরুক্তা লৈরিবা বোর্দর পিল্লর নম্বর ১১০ ফাওবগী শরূক্তা বোর্দর ফেন্সিং তৌননবা গ্ৰেফকি ওফিসিয়েলশিংনা সেক্যুরিটি পার্সনেলশিংগা লোয়ননা সর্ভে তৌনবগীদমক হৌখিবা য়ূমশকৈশা নুমিত্তা অয়ুক অঙনবদা চঙশিল্লকপদা রামফোই এরিয়াগী হেদমেন ওইনা লৈরিবা কাইজাংলোংনা লুচিংবা মশীং য়াম্লবা খুঞ্জাশিংনা অথিংবা পীদূনা হন্দোকহনখিবনি হায়রি।

তাঙ্খুল কাঙলূপকি মহৈরোয় লূপ অনী-  তাঙ্খুল সাউদর্ন ষ্টুদেন্টস য়ুনিয়ন অমসুং ইষ্টর্ন ষ্টুদেন্টস য়ুনিয়ননসু উখ্রূল অমসুং কামজোং এরিয়াগী ঙমখৈ পরীংদা শম্বল খাদ্রিঙৈ মমাঙদা মনিপুরগী ট্রেদিস্নেল বাউন্দরি হান্ননা ময়েক শেংনা খঙহনখিগদবনি, ইন্দিয়া লৈঙাক্না তৌরিবা থৌওং অসীদি ম্যান্মারদা য়াম্না কা হেন্না খুদোংচাবা পীবা মওংদা মনিপুরগী লমখৈ মনূংদা কা হেন্না চঙশীল্লক্লগা শম্বল খাননবা থবক পায়খৎলকপনি।

মরম অদূনা মশীগী থৌওং অসীদি কামজোং অমসুং ঊখ্রুল গী খুঞ্জাশিংনা কৈদৌনূংদা য়াবা ঙম্লোই হায়খিবসু লৈখ্রবনি।চুরাচান্দপুরগা ম্যান্মারগা তাইনবদা মমাঙদসু ঙমখৈ শম্বল খাননবা থবক পায়খৎলুবদা কুকি নূপীশিংনা চৈ পায়দুনা তাল্লকপদগী কামজোং, ঊখ্রুল এরিয়ারোমদগী শম্বল খাবগী থবক- থৌরমশিং হান্না পায়খৎনবা হোৎনরকখিবনি।