কুকি টেরোরিস্টশিংনা লেপ্তনা বোম, নোংমৈ কাপ্তুনা এত্তেক চত্থরকপদা স্পেসিয়েল কম্মান্দো পার্সনেল অমা শোক্লে, খুঞ্জাশিং লাঞ্জেন্নখ্রে

হৌজিক ষ্টেট অসীদা লৈঙাক সাসন তৌরিবা বি জে পিগী দব্বল ইঞ্জিন লৈঙাক অসী কন্সটিট্যুসনগী চৎন- কাঙলোন করিনো হায়বদু অমত্তা ভাব-মেন তাদনা লৈরে। লো দিপার্টমেন্টনসু মতম মতমগী ওইনা লৈরিবা চৎন- কাঙলোনশিং অমদি কন্সটিট্যুসনগী প্রোভিজনশিং লৈঙাক অসীদা খঙহনবিরবদি কান্নগনি হায়না কংগ্রেস লেজিসলেচর পার্টি (সি এল পি) গী দিপ্যুটি লীদর অমা ওইনা লৈরিবা এম এল এ কাঙুজম রঞ্জিৎনা ফোঙদোকখ্রে। ইম্ফালগী বাবুপারাদা লৈবা মহাক্কি ওফিসিয়েল ক্বার্টরদা পাঙথোকখিবা পাউমীশিংগা উনখিবা থৌরম অমদা রঞ্জিৎনা ৱাফম অসী ফোঙদোকখিবনি। কংগ্রেস পার্টিনা লৈঙাক অসীদা কন্সটিট্যুসনগী রূল অমসুং লোগী মতূং ইন্না কেলেন্দর ইয়ার অমদা এসেমব্লীগী সেসন অহুম্লক কৌফম থোকপা অদুগী মতূং ইন্না হন্দক চহী অসীগীসু নিংথম মীফম কৌবিয়ু হায়রুবদা লৈঙাক অসীগী লো এন্দ লেজিসলেটিব এফ্যের্স মিনিষ্টর থৌনাউজম বসন্ত কুমারনা চৎলিবা থা অসীগী ২৪ দা কংগ্রেসকি মথক্তা ওইদা-পাদবা মরাল কয়া থঙজিন্ননবা হোৎনরক্লিবা অসী কন্সটিট্যূসনগী রুল অমসুং প্রোভিজনশিং খঙদ্রিবরা নত্রগা এসেমব্লি সেসন কৌরো হায়বা য়াদ্রিবসি মনিপুরগী ইস্যু খন্ননিংদবগীরা, করিনো অমদি মনূংদা লৈবা মাল্লি হায়না কে রঞ্জিৎনা ফোঙদোকখি।

মিনিষ্টর বসন্টকুমারনা কন্সটিট্যূসনগী আর্টিকল ১৭৪ গী মতূংইন্না কেলেন্দর ইয়ার অমদা এসেমব্লি সেসন অনীখক ফম্বা য়াহল্লি হায়রিবদু খঙদবদগী ওইগনি। মহাক্না পল্লিবা আর্টিকল অদুদি কুমশিং ১৯৫১ দা এম্মেন্দ তৌখ্রবা মতূংদা কেলেন্দর ইয়ার অমদা এসেমব্লি সেসন অহুম্লক চত্থদুনা, বদজেট সেসন, অতম সেসন অমসুং নিংথম সেসন হায়দুনা লৈরিবসি খঙদ্রবা মাল্লি হায়খি।

কংগ্রেস না সাসন তৌরিঙৈদা অশোয়বা লৈখি হায়দুনা বি জে পি সু কংগ্রেসকি অশোয়বদু খূদূং ইন্দুনা চৎপীরগে হায়রিব্রা হায়না রঞ্জিৎনা হংখি।চহী অমদা সেসন অহুম্লক চত্থগদবনি অদুগা অহুম অসীগী ওইনা য়ামদ্রবদা সিট্টিং ৫০ দগী তাদনা ফমগদবনি হায়বা ৱাফমসু মহাক্না ফোঙদোকখি।