ঙরাং অয়ুক পুং ১১.৩০ রোম তারকপদা ইম্ফাল ইষ্ট দিষ্ট্রিক্টকি লম্লাই কেন্দ্রগী মনূংচনবা য়াইঙংপোকপী পুলিশ ষ্টেসন মনূংচন্না লৈরিবা থম্নাপোকপী, সবুংখোক, সনাশাবী, য়াইঙংপোকপী, সান্তিখোঙবালগী মৈতৈ খুঞ্জাশিংদা নোংমৈ, বোম্নচিংবা অত্তৎ-অখম লৈতনা কাপথরকপদা খুঞ্জাশিং লাঞ্জেন্নখ্রে। থৌদোক অদুদা মনিপুর পুলিসকি স্পেসিয়েল কম্মান্দোগী পার্সনেল অমা ওইথংবা লেংজুমদা নোংমৈনা পানবদগী জেনিমস হোস্পিটালদা পুখত্তুনা লায়কন্নখ্রে।
সনাশাবীগী খুঞ্জাশিংনা ঙরাং অয়ুক পুং ১১.৩০ খরা হেল্লকপা মতমদা সনাশাবী লম্পাক্তা থোক্নরক্তুনা জোব কার্দকি থবক শূবা অমসুং ফোটো কাপ্পগী থবক চত্থদুনা লৈরিঙৈ চৈরক্তা খঙহৌদনা উরাংপাৎ, সঙ্গরাম, টুইচিন অমসুং উয়োকচীঙ, হায়রিবা কুকিশিংনা খুন্দারিবা চীঙগী এরিয়াশিং অদোমদগী লেপ্পা লৈতনা নোংমৈ অমসুং বোম কাপশীল্লকখিবনি হায়রি। খুঞ্জাশিং অদূ মফম অদুদগী মশা-মশাগী য়ূমশিং তম্না চৎফম কদায়দনো হায়বফাওবা মফম মরাং খঙনদনা পাখৎপগা লোয়ননা খা-রাই খঙনদনা চেন্নরকখি। হৌজিক লমদম অসোমগী খুঞ্জাশিং শাফগদবা মফমশিংদা লাঞ্জেন্নখ্রে হায়রি।
ফিভমশিং অদূ য়েংশিনবা লাকখিবা মনিপুর পুলিসকি স্পেসিয়েল কম্মান্দো পার্সনেল অমা কুকি মিলিটেন্টশিংনা কাপশীল্লকখিবা নোংমৈনা ওইথংবা লেংজুমদা নোংমৈ মরূ অমা পান্দুনা জেনিমসতা পুখৎখিবনি। মহাক হৌজিক থোইনা খুদোংথীনিঙায় ওইদবদগী হোস্পিটালদগী দিসচার্জ তৌখ্রে।হৌজিকমক্কি ওইনদি কুকি মিলিটেন্টশিংনা মখা তানা নোংমৈ কাপ্লকপা লৈখিদ্রে হায়রি।
You may also like
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা
-
ওজা ১৪ দা মায়চৌ কোনোক থেঙ্গ্রা নীশীং মনা লান্থোকখ্রে
-
পি আর পি কৌবা রিজনেল পোলিটিকেল পার্টি অমা শাফোঙখ্রে