মনিপুরদা হৌখিবা কুমশিং ২০২৩গী মে অহুমদগী থোক্লকখিবা,মৈতৈ অমসুং কুকি কাঙলূপকি মরক্তা হাৎন -শুনবগী ঈরাঙ অসীগা মরী লৈননা এফ আই আর লিশীং ৬ লোম লৌখৎখিবগী মতূঙ ইন্না তম্পাকলমদা নেস্নেল ইনভেষ্টিগেসন এজেন্সি ( এন আই এ) না মীওই কয়ামরুম ফাগৎখিবা অদূগী মখা তারকপা খোঙথাঙ ওইনা চীঙগী শরুক্তা কাখৎলক্লগা হৌজিক অমুক কুকি কাঙলূপকি সি এস ওশিং অমসুং মহৈরোয় লুচিংবশিং ফাগৎনবা অকনবা থবক চত্থদুনা নৈখাইরক্লে।
কুকি ষ্টুদেন্টস ওরগানাইজেসন- চুরাচান্দপুর,জোমি ষ্টুদেন্টস ফেদরেসন হেদ ক্বার্টর্স অমসুং মার ষ্টুদেন্টস এসোসিয়েসনগী অপূনবা প্রেস ষ্টেটমেন্ট অমদা ফোঙদোরক্লিবা ৱাফমদি, খূৎলায় পায়জদবা কুকি -জো কাঙলূপকি মীচম -মীয়ামদা এন আই এনা নৈখাইদুনা ফাগৎপগী থবক চত্থরক্লিবসি অচুম্বা খোঙথাঙ অমা নত্তে।মসীনা নেস্নেল সেক্যুরিটিদা চাউনা খুদোংথীবা থোকহল্লকপা য়াই হায়রক্লি।
চেরোল অসীনা মখা তানা হায়,তম্পাক লমদা হীঙশা তৌরিবা লমহেন – তুহেনবশিংগী মথক্তা কাউন্টর ইন্সর্জেন্সি ওপরেসন চত্থদুনা ফত্তবশিং চৈরাক পীননবা হোৎনবগী মহুত্তা কুকি ফূরূপ্তা ওন্সীন্দুনা নৈখাইবগী থৌওং চত্থরক্লিবসি য়াবা ঙম্লোই।সেপ্তেম্বর ১৯ দা নম্বোল এরিয়াদা মৈতৈ ইন্সর্জেন্টশিংনা এম্বুস তৌদুনা এ আর পার্সনেল অনী হাৎখি।মদূগা মরী লৈননা চীঙগী লমদা ওন্সীন্দুনা,জম্মু অমসুং কাস্মিরগা মান্নবা মওংদা মরাল লৈজদ্রবা কুকিগী মীচম কয়া ইন্দিয়ান আর্মীনা হন্দক খানপি ভিল্লেজদা কাপ্তুনা হাৎখি হায়বা ৱাফমসু থম্লক্লি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা