চৎলিবা থা অসীগী তরূক্তা ইম্ফাল ইষ্ট দিষ্ট্রিক্টকি মনূংচন্না লৈরিবা ইথম মোইরাংপুরেল অমসুং লাইখোং অনীগী মরক্তা লৈরিবা লাইখোং সাইরেং লৌকোলদা লৌ লোকপগী থবক শূদুনা লৈরিবা লৌমীশিং তম্না নোংমৈ রাউন্দ ৩০০ লোম কাপশীল্লকখ্রে। কুকি মিলিটেন্টশিংনা মৈতৈদা খৎনবা হৌরকপগী থৌওংশিং ঙসীফাওবা লেপ্পা লৈতনা চত্থরক্লি। লৌ লিংবা, ফৌ হুনবা, শম্পোৎ খোইবা, লৌ খাওবা, য়ৈবা মতমশিংদা চিন-কুকি নার্কো-টেরোরিষ্ট শিংনা অত্তৎ-অখম লৈতনা মৈতৈদা খৎনবা হৌরকপগী থৌওংশিং চত্থরক্লবসু মৈতৈ ফূরূপনা য়ারিবমখৈ পূক্নিং ফাথদুনা, খাঙদুনা ঙসীফাওবা লৈরক্লিবনি।
কুকি টেরোরিষ্ট শিংনা অকনবা মওংদা নোংমৈ কাপশীল্লকখিবা অদূদা মফম অদুদা কেম্প তৌদুনা লৈরিবা ইন্দিয়ান আর্মিগী জৱানশিংনসু অকনবা মওংদা খূৎ হন্দুনা নোংমৈ কাপখি। লৌবূক্তা থবক শুদুনা লৈরম্বা লৌমীশিং পাখত্তুনা চেনখৎনরকখি। নুমিৎয়ুংবা মতূং পূং ১২.৩০ রোম তারকপদা থৌবাল দাম পুলিস ষ্টেসন্না কোল্লিবা ইথম মোইরাংপুরেল অমসুং লাইখোং অনীগী মরক্তা লৈরিবা লৌকোলদা কুকি মিলিটেন্টশিংনা কাংপোকপী দিষ্ট্রিক্টকি মনূংচন্না লৈরিবা সৈচান ভিল্লেজদগী অকনবা মওংদা নোংমৈ কাপথরকখিবনি হায়রি।
ঈথম মোইরাংপুরেল মনাক্তা লৈরিবা ৫/৯ জি আর ( আর্মী) না হন্দুনা নোংমৈ কাপখি।আর্মিগী মায়কৈদগীসূ নোংমৈ রাউন্দ ৪০০ রোম কাপ্তুনা খূৎ হনবদগী মিলিটেন্টশিংনা নোংমৈ কাপ্লকপা অদু লেপখি হায়রি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে