তমেংলোং দিষ্ট্রিক্টকি ওল্ড কৈফুন্দাই ভিল্লেজ অমসুং লাংনোম ভিল্লেজ অনীগী মরক্তা লৈরিবা ইম্ফাল-জিরিবাম লম্বী, নেস্নেল হায়ৱে-৩৭ গী মফম অমদা ঙরাং কুকি মিলিটেন্টশিংনা ট্রক অনী নোংমৈ কাপশীল্লবা মতূংদা মৈ থাদোকখ্রে। নোংমগী তঙায়ফদনা চঙবা মীয়ামগী চান্না- থক্ননবা পোৎলমশিং পুরকপা ট্রক অনী তমথীবা মওংদা নোংমৈ কাপশীল্লবা মতূংদা মৈ থাদোকখিবনি হায়রি। চেং, তিলহৌ, হৱাই, আলুনচিংবা চান্না- থক্ননবা পোৎলমশিং পুদুনা ট্রক নিপান লম্বী অসীদা লাকপদা কুকি মিলিটেন্ট শিং অদুনা খাম্লগা ট্রক অনী মৈ থাবা হৌরকপদগী লেমহৌরিবা ট্রক তরুক্তি নান্থোক্তুনা চেল্লকখি হায়রি।
থৌওং অদূবু রোংমৈ নাগা ষ্টুদেন্টস ওরগনাইজেসন মনিপুরনা অকনবা মওংদা কন্দেম তৌরকপগা লোয়ননা তমেংলোং দিষ্ট্রিক্ট অমসুং নোনে দিষ্ট্রিক্ট শিংদা লৈরিবা কুকি ফূরুপ্তা রেসন য়াওনা মখল খূদীংমক্কি পোৎলমশিং সপ্লাই তৌবদা খূদক্তগী মতম কক্তনা অথীংবা থম্লে হায়না লাউথোকখ্রে। রোংমৈ নাগা তারিবা এরিয়াশিংদা মমাঙদসু চিন-কুকি মিলিটেন্টশিংনা পোৎ- চৈ পুরকপা গারিশিংদা এত্তেক চত্থবসু লৈখ্রবনি।
কাইমাই এরিয়িদসু মমাঙদা এত্তেক চত্থবা লৈখ্রবনি।মীয়াম্না চাননবগীদমক পুরক্লিবা পোৎলমশিং মৈ থাদোক্তুনা মাঙহনবা হায়বসি মীওইবগী লীচৎ নত্তে, শা-ঙা ফাওবনা অসীগুম্বা থৌওং চত্থনদে হায়না ষ্টুদেন্টস ওরগনাইজেসন অসিনা কন্দেম তৌরক্লি।
You may also like
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে
-
অফবা লৈঙাক-সাসন হায়বসি ট্রান্সপরেন্সি অমসুং এক্কাউন্টেবিলিটি লৈনা মীয়ামগী য়াইফনবা থবক তৌরিবা লৈঙাক অদূবুনি: বিরেন
-
পারলিয়ামেন্ট মমাঙদা রূলিং-ওপ্পোজিসন অনীগী মরক্তা অমনা অমদা মরাল থঙজিন্নদুনা চাউনা মূক্নবগী থৌদোক চত্থখ্রে
-
ঈং- তপ্পা মনিপুর অমা ওইহন্ননবা হোৎনবদা নাগাশিংগী অচৌবা থৌদাং লৈ: চিফ মিনিষ্টর