মনিপুরদা অঙাঙ-নূপীশিংফাওবা খাক্তনা তমথীনা হাৎপা ঙম্লিবা কুকি- জো কাঙলূপকি টেরোরিষ্টশিং ইন্দিয়াদগী মরূ ফংনা মূত্থত্তুনা মাঙহনখ্রসি হায়বা খোল্লাউগা লোয়ননা ঙরাং দিল্লিগী জন্টর মন্টরদা প্রোটেষ্ট মীফম চত্থখ্রে। রিপব্লিকান পার্টি ওফ ইন্দিয়া-অথৱালে(আর পি আই-অথৱালে) গী জেনরেল সেক্রেটরি মহেশ্বর থৌনাউজমগী লমজিং মখাদা ইন্দিয়াগী তোঙান তোঙানবা মফমশিংদগী লাকপা পার্টি অসীগী অমসুং অতৈ পোলিটিকেল পার্টিশিংগী লুচিংবা কয়াসু শরুক য়াখিবা মাস প্রোটেষ্ট এগেন্স কুকি টেরোরিষ্ট অদুদা পার্টি অসীগী অসামগী লুচিংবী রূমি শর্মা, পঞ্জাবতগী কুলৱন্ট সিংহ, হরিয়ানাদগী রবি, রাজস্থানদগী য়ুথ লিদর পাঙ্কজ মিনা, মহাদেব সেনাগী প্রসিদেন্ট পাঙ্কজ নন্দ, ভার্টিয়া চাল্কা এক্টা সঙ্ঘগী প্রসিদেন্ট টিজেন্দ্রনচিংবা মীওই কয়ানা শরুক য়াখি।
পুলিস ষ্টেসনগী মখাদা লৈবা জাকুরাধোরদগী থা ৮খক্তা ঙায়রিবা অঙাঙ অমা য়াওনা পীক্লিবা অঙাঙ অহুম অমসুং নূপী অহুম- পূন্না ঈমূং অমগী মীওই ৬ ফারগা তমথীনা ওৎ নৈরবা মতূংদা নোংমৈনা কাপ্তুনা হাৎখিবা অমদি অশীবা হকচাঙশিং অদূ তুরেলদা থাধরকখিবা থৌওং অদূ মালেমদা লৈরিবা মীওইবা খুন্নাইদা চৎনদবা শাগী লীচৎনি হায়না মীয়াম অদূনা অকনবা মওংদা কন্দেম তৌখি।
কুকি- জো টেরোরিষ্টশিং ইন্দিয়াদগী মরূ ফংনা মূত্থত্তুনা মাঙহল্লসি হায়বা খোল্লাউশিং লাউখি।
You may also like
-
ঈরোল-ঈয়েক চাওখৎনবা হোৎনরম্লিবা লাইওইখ্রবা অহলশিংবু খক কাউরোইদবনি: সিবদট্ট লুৱাং
-
ৱাক্ফ বোর্দকি মেম্বর খনবদা নোন-মুস্লিম হাপচীল্লকপগী মায়োক্তা রেল্লি চৎখ্রে
-
এন আর সিগী দিমান্দ শোয়দনা মায় পাক্কনি হায়বগী থাজবা লৈ: চিফ মিনিষ্টর
-
ট্রকশিং মতম চানা ইম্ফালদা য়ৌরকখ্রে
-
মীয়াম্না তাল্লিবা এন আর সীগী দিমান্দ ফংলগনি হায়বগী অচেৎপা থাজবা লৈরে: এক্স চিফ মিনিষ্টর