কম্মিটি ওন ট্রাইবেল য়ুনিটি (কোটু) আ শীন্দুনা ঙরাং কাংপোকপিদা লৈবা কম্মিটি অসীগী ওফিস্তা চিন- কুকি মীয়ামগী ওইবা মীফম অমা পাঙথোকখ্রে। কাংপোকপি দিষ্ট্রিক্ট তা লৈরিবা তোঙান তোঙানবা কুকিশিংগী সিভিল সোসাইটি ওরগনাইজেসনশিংগী মীহুৎশিং শরুক য়াখিবা ঙরাংগী মীফম অদুদা লৌখিবা ৱারেপকি মতূংইন্না ঙসিগী মীয়ামগী রেলি অদু চৎখিবনি হায়রি।
ঙসী কাংপোকপি বজারদা লৈরিবা ইমা কৈথেলদা মীওই লীশিং অহুম্লোম্না পূন্দুনা ঙাইহাক মীফম চত্থরবা মতূংদা অকনবা স্লোগানশিংগা লোয়ননা কাংপোকপি দিষ্ট্রিক্ট কি দিপ্যুটি কম্মিস্নারগী ওফিস তম্না রেল্লি চৎখি। মীওইশিং অদুনা ষ্টোপ ফোলস নেরেটিব, জষ্টিস দিলেদ ইজ জষ্টিস দিনাইদ, ইম্মেদিয়েট এক্সন এগেন্স কুলদিপ এন্দ জিওফ্রি, ৱি দিমান্দ কুকিলেন্দ হায়বা খোল্লাউশিংগা লোয়ননা প্লেকার্দ শিং পুদুনা লাকখি।
কোতুগী জেনরেল সেক্রেটরি লান্মিনলুন সিংসিটনা ফোঙদোকখিবা মতূংইন্না, মনিপুর লৈঙাক্না মৈতৈ রেদিকেল কাঙলূপ্তা লোন্না অমসুং ফোংনা শৌগত্তুনা কুকি- জো কাঙলূপকি মীওইশিং তুম্না মাঙহন্নবা হোৎনরক্লিবা অসীদা ইন্দিয়া লৈঙাক্না অকনবা মীৎয়েং চঙবীদুনা থিংগদবনি। কুলদিপ অমসুং সেক্রেটরি টু-চিফ মিনিষ্টর এন জিওফ্রিনা ম্যান্মারদগী কুকি- মিলিটেন্ট ৯০০ মনিপুরদা চঙশীল্লকখ্রে হায়না মীয়ামদা শন্দোকখিবদূ কুকিশিং তকথোক্ননবা অমসুং মাঙহন্ননবা হোৎনবনি হায়বা ৱাফম সিংসিটনা ফোঙদোকখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে