কংলৈ ঈমা লূপ (কিল) শাফোঙখিবগী কুমওন থৌরম ঙরাং ইম্ফালদা লৈবা মনিপুর প্রেস ক্লবতা পাঙথোকখ্রে। থৌরমদুদা জৱাহরলাল নেহরু ইন্সটিট্যুট ওফ মেদিকেল সাইন্সেস (জেনিমস) কি হান্নগী দিরেক্তর লাইশ্রম দেবেন্না হায়, মনিপুরদা লো এন্দ ওর্দরগী ফীভম ফগৎহন্ননবা হোৎনবা, ঈরাঙ থোকহন্দনবা থবক পায়খৎপা, খুন্নাইগী ওইনা য়াইফগদবা থবকশিংদা মাঙজীল থানা থবক তৌরিবা ঈমাশিং অসীনা লমদমসিগী শেল- থুমগী ফীভম ফগৎহন্ননবা খোঙথাঙশিংদসু মরূওইবা থৌদাং কয়ামরুম লৌদুনা লাক্লি।
খুন্নাইগী মহীক খূজোক খরগী থৌইন্সিন্দগী অমসুং মীথীঙ্গায়-মিতম্বাল খরনা ঈমাশিং অসিবু লান্না লমজীংনবা হোৎনদূনা পূন্সীন্নবা য়াহন্দনবা, তোখাই-তোখাইবা মওংদা থবক তৌনহন্নবা হোৎনবা য়াওরকপসি য়াম্না লাইবক থীবনি হায়খি। ঐখোয় মশেল পূন্সীন্নবগী মতমদু হৌজিক অসীনি। ঈমাশিং পূন্সীনবিরো, অপূনবগী পাঙ্গল শাগৎলসি হায়খি।
থৌরমদুদা কিলগী লুচিংবীশিং- আর কে সনাহনবী, লূপ অসীগী এদভাইজর নিংথৌখোংজম বসন্তি, ইম্ফাল ম্যুনিসিপাল কোরপোরেসন ৱার্দ নম্বর ৬কি কোরপোরেটর ইন্দ্র জিৎনচিংবনা দাইজ মেম্বরশিং ওইনা লেঙশীনখি। তোঙান তোঙানবা সি এস ওশিংগী লুচিংবশিংদা কিলগী মেম্বরশিংনা খূদোলপোৎশিং পীদুনা থৌরমদুদা ঈকায়খুম্নবসু ঊৎখি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে