কোর্দিনেটিং কম্মিটি ওন মনিপুর ইন্টিগরিটি (কোকোমি) না থা অসীগী ১৬ তা, মনিপু্রগী য়েলহৌমীশিংগী শক্তম অমসুং লমদম অসীগী অপূনবা শক্তম ঙাকচনবা ষ্টেট অসীগী মফমশিংদা পাক- সন্না মীয়ামগী মীফম পাঙথোক্লগনি হায়না লাউথোকখিবগা লোয়ননা মীয়াম্নসু মীফমশিং অসীদা শরুক য়াবিননবা আপিল তৌখ্রবা মতূঙদা থা অসীগী ১৭ তগী হৌনা অহানবা ওইনা ইম্ফাল নোংচূপ পানাগী মোইদাংপোক অৱাং লৈকায় কম্যুনিটি হোল অমসুং কাংচুপ চীঙখোঙদা মীয়ামগী মীফম পাঙথোকপা হৌখ্রে।
চৎলিবা এপ্রিল থা অসীগী ১৭ তগী ৩০ ফাওবা মনিপুরগী তোঙান তোঙানবা মফমশিংদা পাক- সন্না মীয়ামগী মীফম পাঙথোক্লগনি হায়না কোকোমিনা লাউথোকখিবনি। থা অসীগী ১৭ কি নুংথিল পূঙ ৩ তাবদগী মোইদাংপোক অৱাং লৈকায় কম্যুনিটি হোলদা পাঙথোকখিবা মীয়ামগী মীফম অদুদা কোকোমিগী কনভিনর খুরায়জম অথৌবা, আই পি আরগী কনভিনর লাইখুরাম জয়েন্ট, ৱিমেন সোসাইটি মৈরা পায়বীগী প্রসিদেন্ট এস তোম্বি, কোকোমিগী ৱিমেন ফ্রন্ট কি কনভিনর থরাকসনা নচিংবা মীয়ামগী লুচিংবা কয়ানা ৱা ঙাঙখি।
নাকল অমরোমদা, কাংচুপ চীঙখোঙদা মীয়ামগী মীফম অমসু নুংথিল পূঙ মরি তাবদগী পাঙথোকখি। মদুদসু কোকোমিগী মোবিলাইজেসন সব-কম্মিটিগী কনভিনর ৱাই কে ধিরেন, লূপ অসীগী মীহূৎ দিপাঞ্জিৎনচিংবা কয়ানা মনিপুরগী য়েলহৌমী অমসুং ঈরমদমগী অপূনবা শক্তম কঞ্জনবগী ৱাফম কয়া ফোঙদোকখি। মাস এৱের্নেস কেম্পেইন ওফ টু য়ার্স ওফ মনিপুর ক্রাইসিস হায়বা থিমদা থা অসীগী ৩০ ফাওবা নুংতিগী মফমশিং হোং-হোংদুনা চত্থগদবা মীয়ামগী মীফমশিং অসীদা স্পিকর ওইনা ৱা ঙাঙননবা কোকোমিগী স্পিকর ১৫ সু খনগৎখ্রবনি।