মনিপুরদা হৌখিবা কুমশিং ২০২৩ গী মে অহুমদগী থোক্লক্লিবা হীংশাগী ঈরাং অসীগা মরী লৈননা হান্নগী চিফ মিনিষ্টর নোংথোম্বম বিরেন্না ফোঙদোকখিবনি হায়বা ষ্টেটমেন্ট অমগী ওদিও ক্লিপ অমনি হায়না মরাল শীরিবা ক্লিপকি ফোরেন্সিক রিপোর্ট সুপ্রিম কোর্ট তা সেন্টরনা লানখৎনবা শেম শাবা লোইখ্রে হায়রি।
ভিডিও ক্লিপ অদূ সোসিয়েল মেদিয়াদা ভাইরেল ওইরকখিবনি। সেন্টরগী মায়কৈদগী ওদিও ক্লিপ অদুগী ফোরেন্সিক রিপোর্ট সবমিট তৌননবা শেম-শাবা লৈরে হায়না হন্দক সেন্টরগী মায়কৈদগী সুপ্রিম কোর্ট তা ফোঙদোকখিবনি। ফোরেন্সিক রিপোর্ট অদূ অথুবা মতমদা সিল্ড তৌদুনা এপেক্স কোর্ট অসীদা লানখৎনবা থৌরাং তৌরি হায়না সোলিসিটর জেনরেল তুশর মেহটানা ফোঙদোকখি।
এপেক্স কোর্ট অসীগী চিফ জষ্টিস সঞ্জিব খানাগী বেঞ্চতা সেন্টর অমসুং ষ্টেট লৈঙাক্কি মায়কৈদা লেপখিবা কাউন্সেলশিংনা পীরকখিবা ষ্টেটমেন্টশিং চিফ জষ্টিসনা পূক্নিং চঙনা তাখি। কুকি ওরগনাইজেসন ফোর হ্যুমেন রাইটস (কোহুর) না বিরেনগী মায়োক্তা থাঙ্গৎলকখিবা পেটিসন অদুগী হ্যারিং লাক্লিবা মে ৫ ফাওবগী মনূঙদা চত্থবিয়ু হায়বা ৱাফম অদূদি সুপ্রিম কোর্ট না য়াখিদ্রে।
মরম অদূনা হ্যারিং অদুদি মে ৫গী মতূঙদা চত্থরবা য়াই হায়রি। সেন্ট্রেল ফোরেন্সিক সাইন্স লেবোরেটরিগী রিপোর্ট অদূ সেন্টর লৈঙাক্কি সোলিসিটর জেনরেল তুশর মেহটানা এপেক্স কোর্ট অসীদা পীখৎকদবনি।
You may also like
-
ইসিআই গী থৌওং য়ানিংদবা ফোঙদোক্তুনা কংগ্ৰেসনা প্রোটেষ্ট রেল্লি পাঙথোকখ্রে
-
এন আই এনা আইজোলদগী কুকি নহা অনী ফাগৎখ্রে
-
লুহোংবদা শেল চঙমনবনা ঐখোয়গী নহারোলশিং মতম চানা য়ূম পান্দবদগী মৈতৈগী মীশীং হন্থবা ওইরম্লে: নাউখম্বা
-
ওজা ১৪ দা মায়চৌ কোনোক থেঙ্গ্রা নীশীং মনা লান্থোকখ্রে
-
পি আর পি কৌবা রিজনেল পোলিটিকেল পার্টি অমা শাফোঙখ্রে