ঙরাং কাউন্সিল ওফ হায়র সেকেন্দরি ইদুকেসন মনিপুর (কোহসেম) না লৌবা চহী অসীগী হায়র সেকেন্দরি স্কুল লিভিং সার্টিফিকেট ইগজামিনেসনগী অহৌবা নুমিত্তা খোয়শাওনরবা মহৈরোয় কেন্দিদেটশিংনা মখোয় মশানা ইজবা পাউখুম-চে খূদীঙমক পূল্লপ খোমজীঞ্জরগা মৈ থাদোকখ্রে।
অঙকপা থৌদোক অসী ককচীঙ দিষ্ট্রিক্টকী ৱাবগাই হায়র সেকেন্দরি স্কুলদা থোকখিবনি। ঙরাং কোহসেমগী ইগজামিনেসনগী অহৌবা নুমিত্তা ইংলিস সবজেক্ট থোকপনি।ইগজাম সেন্তর অদূদা লাংমৈদোং হায়র সেকেন্দরি স্কুলগী মহৈরোয়শিং ইগজাম থাখিবনি।সেন্তর অদুদা মহৈরোইশিংনা ইগজাম থাবা হৌরকপদগী কোহসেমগী ফ্লাইয়িং স্কৱাদ টিম অমা, অমসুং ইন্দিজিনস য়ূথ এসোসিয়েসন ওফ কংলৈপাক কৌবা লূপ অমগী কাঙবূ অমসু ফমজীন্দুনা নুমিৎ চূপ্পা লৈশিনবদগী ইগজাম থাখিবা মহৈরোয়শিং অদূ পাখৎপগা লোয়ননা অকিবা ফাওবদগী হংলক্লিবা ৱাহংশিংগী পাউখুম মতম চানা পীবা ঙমখিদে হায়রি।
মহৈরোয়শিং অদূনা মখোয়গীদমক অহেনবা মতম খরা হাপ্নবা তকশীনখিবদা ইগজাম সেন্তর অদুগী ও সি অমদি অতৈ অথোরিটিশিংনা অয়াবা পীরকখিদে। মতমদুদা খোয়শাওনরবা মহৈরোয়শিং অদুনা সেন্টর অদুগী কম্পাউন্দা থোক্লক্লগা, মখোয়না ইজবা পাউখুম চে ময়ামদু পুল্লপ খোমজীল্লগা মৈ থাদোকখিবনি।মৈ থাবা অদূদা সেন্তর অদুগী এদমিট কার্দশিংসু য়াওখ্রে হায়রি।
মখাতাবা করি-করম্বা খোঙথাঙ লৌখৎকদগে হায়বগী মতাঙদা মরী লৈনবা অথোরিটিশিং ককঙাওনরি।
You may also like
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং