কামজোং সব-দিবিজনগী সব-দিবিজনেল ওফিসার (এস দি ও) ওইনা থৌ পুরম্বা দা.কিষন অমদি মহাক্কি ষ্টাফ অনী, তোকেন অমসুং রাজেনবু এন এস সি এন আই এমগী কাঙবূ অমনা য়াম্না তমথীনা ওৎ-নৈরবা মতূঙদা মীহাৎ থীনা হাৎখিবা থৌওং য়ানিংদবা ফোঙদোক্তুনা অমসুং থৌদোক অদূবু নীঙশীংদুনা চহী খূদীংমক্কী মপারী নিংশীংকোল লূপ (মানিলা) না শীন্দুনা অথৌবা অহূম অসী লৈখিদবগী কুম্মোন থৌরমশিং চহী খূদীঙ পাঙথোক্তুনা লাক্লি।
থৌরম অসীগী ১৭ লক শুবা কুম্মোন থৌরম ঙরাং ফেব্রুয়ারি ১৭ তসু ইম্ফালদা লৈরিবা মপারি নীংশীংকোলগী কমপ্লেক্স তা মীয়ামগা লোয়ননা হৈকৎ-লৈকৎ তমদুনা পাঙথোকখ্রে।অথৌবা অহূম্না মীফত্তশিংগী মখূত্তা তারবা মতূঙদা য়াম্না অতাঙবা ফিরেপ অমা লৌখিবগা লোয়ননা তুংগী অচঙবা খুন্নাই অমগীদমক থৱায়না পোন্থা পীখিবা অদূমক ঈরমদম অসীগী খ্বাইদগী মতীক চাবা মপারীশিংনি হায়না নীংশিং থৌরম অদুদা ৱা ঙাঙবদা লূপ অসীগী মায়কৈদগী ফোঙদোক্নখি।
ঙসিদি ঐখোয়না, মতম অমগী ঈপা-ঈপূশিংনা অশোয়বা,অরানবা খরা তৌরম্মি হায়দুনা মখোয়বু চৈ-থাংবগী হৈনবী থাদোক্লসি, দেপ্লোমেটিক ওইনা হিংবগী হৈনবী থম্লসি, শাউবা মতমদা মায়থোঙ য়াওহল্লগুমসি অদূগা হান্নগী অশোয়বা কয়াদু নীংশীংবনা ঙসীদগী শোয়দননবা খূৎলায় অমা ওইহল্লসি হায়বা ৱাফমসু থম্লক্লি।থৌরমদূদা লমদম অসীগী য়েলহৌমী ফূরূপ কয়ানা শরূক য়াদুনা অথৌবা অহুমগী ফোতোশিংদা হৈকৎ-লৈকৎ তম্নখি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং