মনিপুরগী গভর্নর অজয় কুমার ভাল্লানা অকনবা চেরোল অমা থোক্তুনা হৌজিক আইন্না য়াদবা মওংদা মনিপুরগী চীঙ অমসুং তম্পাক্কি মফম কয়াদা পায়শিন্দুনা থমজিল্লিবা ইল্লিগেল আর্ম পূম্নমক নুমিৎ তরেৎনিগী মনূঙদা সরেন্দর তৌরক্নবা হৌখিবা ফেব্রুয়ারি ২০ দা লাউথোকখ্রবা মতূঙ মখাতানা চয়োল অমগা মতম শাংদোক্তুনা, চৎলিবা মার্চ থা অসীগী ৬ ফাওবদা ইল্লিগেল আর্ম পূম্নমক সরেন্দর তৌরক্কদবনি, মসীদগী মখাতানা মতম শাংদোকপা লৈররোই হায়না ইরোই লোইবা দেথলাইন পীখিবা মতম য়াম্না নকশীল্লকপগা লোয়ননা মনিপুরগী তোঙান তোঙানবা পুলিস ষ্টেসনশিংদা মীয়াম্না খূৎলায়শিং মখাতানা সরেন্দর তৌনরকখ্রে।
চৎলিবা মার্চ থা অসীগী অহুমদসু চুরাচান্দপুর, থৌবাল, বিষ্ণুপুর, ইম্ফাল ইষ্ট অমসুং ইম্ফাল ৱেষ্টকি তোঙান তোঙানবা পুলিস ষ্টেসনশিংদা য়াম্লবা খূৎলায়শিং সরেন্দর তৌনরকখ্রে।
চুরাচান্দপুর পুলিস ষ্টেসনদা ইন্দিয়ানা শাবা দব্বল বেরেল অনী, মেগজিন য়াওবা থ্রী নোট থ্রী রাইফল অনী য়াওনা পূন্না খূৎলায় ১৪ সরেন্দর তৌনরকখ্রে। থৌবাল দিষ্ট্রিক্ট কি খাঙবোক পুলিস ষ্টেসন্দা দ্রোন অমা য়াওনা পূন্না খূৎলায় ৩২ সরেন্দর তৌরকখি। থৌবাল দিষ্ট্রিক্ট কি এস পিদা খূৎলায় ৯, ইম্ফাল ইষ্ট দিষ্ট্রিক্ট কি হৈঙাং পুলিস ষ্টেসন্দা খূৎলায় ৪, য়াইঙংপোকপী পুলিস ষ্টেসন্দা খূৎলায় ৯, পোরোম্পাৎ পুলিস ষ্টেসন্দা খূৎলায় ৫, লম্ফেল পুলিস ষ্টেসন্দা খূৎলায় ৬ অমসুং বিষ্ণুপুর পুলিস ষ্টেসন্দা খূৎলায় ১৪ সরেন্দর তৌরকখি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে