মীয়াম অমসুং দুকান ফম্বা কারবারৱালাশিংদগী শেল খায়বদা চেন্নবনি হায়বা আইন্না থিংখ্রবা কংলৈপাক কম্যুনিষ্ট পার্টি (কে সি পি) নোংদ্রেনখোম্বা লূপকি মেম্বর ৭ ঙরাং অয়ূক মনিপুর পুলিস য়াওবা কম্বাইন্ড সেক্যুরিটি ফোর্সকি টিম অমনা ইম্ফাল ৱেষ্ট দিষ্ট্রিক্টকি লাঙ্গোল পার্ট থ্রিদগী ফাগৎপা ঙম্লে হায়রি। ফাগৎলবা কে সি পিগী মেম্বর তরেৎ অদু ঙরাং ইম্ফাল ৱেষ্ট দিষ্ট্রিক্ট পূলিসকি কনফরেন্স হোলদা পাউমীশিংগী মমাঙদা পুথোকখি। মখোয়না সধারন মীয়াম অমসুং তোঙান তোঙানবা কারবার তৌবা, দুকান ফম্বা মীওই কয়াদগী নম-হাদুনা শেল খোমগৎলম্বনি হায়রি।
কম্বাইন্ড সেক্যুরিটি ফোর্স টিম্না ফাগৎলকখ্রবা নোংদ্রেনখোম্বা লূপকি মেম্বর তরেৎ অদুদি লৌশাংবম এলিন (২৬) অপোকপা লৈখিদ্রবা বোরোন, শীংজমৈ ওইনাম থিঙেল, কোন্সম রোহিৎ (২৩) অপোকপা গ্যানেন্দ্র, পাৎশোই পার্ট-১, শঞ্জু ৱাহেংবম এলাইজ লেম্বা (২০) অপোকপা সঞ্জোই, লৈফম্না পেলেস কম্পাউন্দ মহাবালি মমাঙ, ফাঞ্জৌবম থোইবা মঙাঙ এলাইজ মালেমঙানবা (২৬) অপোকপা লৈখিদ্রবা জিটেন থোংজু পার্ট-২, ৱায়খোম হেরো মৈতৈ (২১) অপোকপা ইবোয়াইমা তখেল মমাঙ লৈকাই, য়াংলেম বিকাস মৈতৈ (২৩) অপোকপা লৈখিদ্রবা অমুজাউ, শীঙজমৈ য়াংলেম লৈকায় অমসুং হেন্থোইবী মোইরাংথেম এলাইজ চন (৪১) অপোকপা কুমার, উরিপোক গোপালজি লৈরক্নি হায়রি।
মখোয়না মীয়ামদগী নমদুনা শেল খোমগৎপদা শীজিন্নবা অঙৌবা মচুগী টোয়োটা ফোরচুনর, রেজিষ্ট্রেসন নম্বর এম এন ০৬ এল এ ৭৩৪৬ অমসু ফাগৎখিবগা লোয়ননা নোংমৈ অমসুং নোংমৈ মরূশিংসু ফাগৎপা ঙম্লে হায়রি।
You may also like
-
পুলিস ফোর্স তা অহোংবা লৈহন্দুনা অৱাং নোংপোক্তা লৈরিবা লালহৌবগী ঈরাং লোইশিন্ননবা হোৎনরগনি: অমিট শাহা
-
এ দি আর কমপ্লেক্সতা সুপ্রিম কোর্ট কি জজ এন কোটিশ্বরগা ইন্টরেক্সন পাঙথোকখ্রে, লিগেল এৱেরনেস প্রোগ্রাম অমসু চত্থখ্রে
-
পাল্লিবা লৈঙাক অসীনা কন্সটিট্যুসনগী প্রোবিজনশিং ইফোং ফোংনা খোঙ্গাওনরি: ইবোবি
-
প্রাইভেট স্কুলগী প্রিন্সিপাল অমা খদ্রক তৌরম্বগীদমক দেসামগী থৌমীশিংনা ফারগা পুলিসতা শিন্নখ্রে
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা