চৎলিবা মে থা অসীগী ১৩ গী অয়ূক পূঙ ১০ খরা হেল্লকপা অদুৱায়দা কাংপোকপি দিষ্ট্রিক্টকী কোটজিম অমদি কোটলেন অনীগী লোন্নবা মফম অমদা শকখঙদবা খূৎলায় পায়বা মিলিটেন্টশিংনা এম্বুস তৌদুনা অকনবা এত্তেক চত্থরকপদগী মীওই অহূম লায়কন্নবা ঙমদনা লৈখিদবা, অদূগা অতোপ্পা মীওই মঙা তমথীনা অশোক-অপন থোকহনখিবা অদূবু কন্না য়ানিংদবা ফোঙদোক্তুনা কুকি -জো ফূরুপশিংনা কৌখিবা টোটেল সটদাওননা নেস্নেল হায়ৱেশিংদা গারি অমত্তা চৎনখিদ্রে।
ইম্ফাল-দিমাপুর অমসুং ইম্ফাল- জিরী লম্বীশিংদা গারি অমত্তা চত্থোক-চৎশিন তৌখিদ্রে। এম্বুসকি থৌওং অদূগী মায়োক্তা মশীং য়াম্লবা মীয়াম্না নেস্নেল হায়ৱেশিংদা থোক্নরক্তুনা অকনবা প্রোটেষ্ট তৌদুনা খোল্লাউ কয়াসু লাউখি অদুগা য়ানিংদবগী প্লেকার্দ কয়াসু লোয়নরকখি। ইম্ফাল য়ৌরক্কদবা মাল পুরকপা গারীশিং লম্বীদা পন্দুনা লৈখ্রে।
টোটেল সটদাওনগী খোঙজঙ অদূ মরূওইনা কুকি ইনপি মনিপুর (কিম) অমদি থাদৌ কম্যুনিটিগী মীয়াম্না কৌখিবনি।চৈরকশিদা, জৌজাংতেক তা চত্থরকখিবা এত্তেকতা লৈখিদ্রবা চিরূ ফূরূপকি মীওই অদূগী ঈমূঙ-মনূঙ অমসুং মরী-মতাশিংগা, মনিপুর লৈঙাক্কি হোম মিনিষ্টর গোবিন্দাস কোন্থৌজম না উনদুনা ৱাফম কয়া খন্ন-নৈনখ্রে।
You may also like
-
ঈরোল-ঈয়েক চাওখৎনবা হোৎনরম্লিবা লাইওইখ্রবা অহলশিংবু খক কাউরোইদবনি: সিবদট্ট লুৱাং
-
ৱাক্ফ বোর্দকি মেম্বর খনবদা নোন-মুস্লিম হাপচীল্লকপগী মায়োক্তা রেল্লি চৎখ্রে
-
এন আর সিগী দিমান্দ শোয়দনা মায় পাক্কনি হায়বগী থাজবা লৈ: চিফ মিনিষ্টর
-
ট্রকশিং মতম চানা ইম্ফালদা য়ৌরকখ্রে
-
মীয়াম্না তাল্লিবা এন আর সীগী দিমান্দ ফংলগনি হায়বগী অচেৎপা থাজবা লৈরে: এক্স চিফ মিনিষ্টর