মতম কয়াগী মমাঙদগী মনিপুরগী লাইফলাইন ওইরিবা নেস্নেল হায়ৱে-২ দা খূৎলায় পায়বা শকখঙদবশিংনা হায়ৱে অসীদা মীয়ামগী তঙায়ফদনা চঙবা পোৎলমশিং পুদুনা চৎলিবা ট্রক অমসুং অতৈ মখলগী গারিশিংদগী আইন কায়বা মওংদা পুবা-থাংবা ঙম্লোইদবা টেক্স খোমগৎপদগী লম্বী অসীদা চৎলিবা মাল পুবা গারি দ্রাইভর অমসুং ওনরশিংনা অৱাবা-খুদোংচাদবা কয়া মায়োক্নরিবসি কোকহন্ননবা ষ্টেট লৈঙাক অসীনা ঙসীফাওবা থিংননবা থবক অমত্তা মপূংফানা লৌখৎপা ঙমদ্রিবসি য়াম্না লাইবক থীবনি।
মরূ ওইনা কাংপোকপি এরিয়াদা লৈরিবা হায়ৱে অসীদা কম্মিটি ওন ট্রাইবেল য়ুনিটি ( কোতু) না চত্থহল্লিবা আইন কায়বা শেনখাই-থুমখাইগী থৌওংশিং অসী লৈঙাক্না অথিংবা পীবা ঙমদ্রবদি চৎলিবা ওক্তোবর থা অসীগী অহীং নোংয়াইদগী নেস্নেল হায়ৱে-২ দা মতম কক্তনা ইকোনোমিক ব্লোকেদ চত্থরগনি হায়না ওল নাগা ট্রেদর্স এসোসিয়েসন মনিপুর ( অন্টম) না অকনবা ৱাফম ফোঙদোকখ্রে।
কোতু না কাংপোকপি এরিয়াদা লৈরিবা নেস্নেল হায়ৱে পরীংদা অন- ওথোরাইজ ওইবা চেকপোইন্ট কয়া লিংখত্তুনা মীচম-মীয়ামদগী নম্ফূদা শেল খোমগৎলিবসিদা লৈঙাক্কি মায়কৈদগী ঙসীফাওবা অথীংবা অমত্তা পীদবনা মরম ওইরগা লৈঙাক লৈতবগা পাঙ্খক ওইরে হায়রক্লি। ফীভম অসীদা মীয়ামগী পুন্সি য়াম্না খুদোংথীনিঙায় ওইরক্লি হায়না ফোঙদোরকপগা লোয়ননা ট্রক দ্রাইভরশিং, গারী মপূশিং অমসুং মীয়ামগী পুন্সি অমসুং লন- থুম ঙাকপা হায়বসিনা লৈঙাক অমগী খ্বায়দগী অহানবা থৌদাংনি হায়বসি কাউফম থোক্তে হায়রক্লি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে