লাক্লিবা অনৌবা চহী ২০২৬ না চঙলকপগা লোয়ননা কাংপোকপি দিষ্ট্রিক্ট মনূঙচন্না লৈরিবা খুঙ্গং পূম্নমক্তা পোপ্পি থাবগী থবক-থৌরম পূম্নমক থাদোক্কদবনি,মীয়ামগী ৱারেপ অসী ইন্দবা মীওইশিং অকনবা চৈরাক পীগনি হায়না মরী লৈনবা মীয়ামদা কোয়না চত্তুনা কুকি সি এস ওশিং,ভিল্লেজ চিফ, ষ্টূদেন্ট এসোসিয়েসনশিং, চর্চ লিদরশিং অমসুং অতৈ কুকি-জো কম্যুনিটিগী লূপশিংনা পাউজেল পীদুনা খঙহনখ্রে।
পুৱারি ওইরগদবা খোঙথাঙ অমদা কুকি-জো কাঙলূপকি লুচিংবশিংনা তোঙান তোঙানবা মফমশিংদা কোয়না চত্তুনা মীফমশিং পাঙথোকখিবগা লোয়ননা মীয়ামদা পোপ্পি থাবগী থবক খূদক্তগী লেপ্ননবা খঙহনখিবনি।সদর হীলস চিফস এসোসিয়েসন, কুকি ইনপী সদর হীলস, তোঙান তোঙানবা ট্রাইবেল ওর্গানাইজেসন শিং,মহৈরোয় লূপশিং,য়ূথ ক্লবশিং,ৱিমেন ওর্গনাইজেসনশিং অমদি কম্যুনিতি ওর্গনাইজেসনশিং য়াওবা মীফম অমা কাংপোকপি দিষ্ট্রিক্ট হেদক্বার্টরদা পাঙথোক্তুনা ৱারেপ অদূ অমত্তা ওইনা লৌখিবনি হায়রি।
হৌখিবা দিসেম্বর তরাদসু মীয়ামগী মীফম অমা হীরম অসিগা মরী লৈননা পাঙথোকখি লোয়ননা বোংমোলদা পাঙথোকখিবা মীফমদুদা ৱারেপ ইন্দবশিংগী মথক্তা অহকপা চৈরাক পীননবা ৱাফমশিং খঙহনখি।মদূগী মতূঙদা মখাতানা সাইকুল কম্যুনিটি হোলদসু মীয়ামগী মীফম অমা দিসেম্বর ১৯ দা পাঙথোক্তুনা কম্যুনিটি লিদরশিংগী ৱারেপশিং অদূ কনফার্ম তৌখি হায়রি।
You may also like
-
য়ূম শাবিগনি হায়জীন্দুনা য়াম্লবা শেনফমশিং খোমগৎখ্রগা লোৎখিবগী মায়োক্তা মীয়াম হৌরকখ্রে
-
মীওই অনী লৈখিদবগী কেস এন আই এদা শিন্নখিবদু লৌথোকপিননবা সি এমদা তকশীনখ্রে
-
এ টি য়ুনিট ১৮ না জূলোজিকেল গার্দেন্দা শওম মচা অনী খূৎশীন্নখ্রে
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে