মতম কয়াগী মমাঙদগী ককচীং দিষ্ট্রিক্টকি মনূঙ চন্না, ককচীং মখা লৈকায় নাউদম পরেংগী লম্বী অসী শেমজীনবিয়ু হায়দুনা মায়কৈ অসোমগী মীয়াম্না লৈঙাক্কি মরী লৈনবা ওফিসিয়েলশিং অমদি সার্কল এম এল এ ওইনা লৈরিবা ময়াঙলম্বম রামেশ্বরগী মফমদা তাঙ্কক কয়ারক্তা হায়জদুনা লাকখ্রবসু শেমগনি হায়না পাউখুম পীরক্লগা থবক ওইনা পাঙথোরক্তবদা মীয়াম মৈ হৌনা শাউনরে।
লম্বী অসীদা অহল ওইরবা কয়া, পীক্লিবা স্কুলগী মহৈরোয় মশীঙ খঙদনা চত্থোক -চৎশীন তৌরিবনি। লম্বী অসীগী ফীভম কা হেন্না ফত্তবা মরম্না মায়কৈ অসীগী মীয়াম্না নোংমগী শিন্থা পাঙননবা চৎপদা য়াম্না চাউনা অৱাবা, খুদোংচাদবশিং মায়োক্নরগা লৈরকখিবনি। এম এল এ রামেশ্বরদা মীয়াম্না লম্বী অসী শেমজীনবিনবা হায়রুবদা ময়ূমদা লাকউ, নত্রগা মফম অমদা লাকউ হায়দুনা কৌরকপদগী মায়কৈ অসোমগী মীয়াম্না এম এল এগা কয়ারক উনরুরবসু শেম্লগনি হায়না থাজবা পীরকখিবা নত্তনা ঙসীফাওবা থবক্তা ওন্থোরকপদি লৈখিদ্রি হায়না মায়কৈ অসীগী মীয়াম্না পেন্দবা ফোঙদোক্নরক্লি।
ফীভম অসী মতম কুইশিল্লকপদগী খোয়শাওনরবা মায়কৈ অসোমগী মীয়াম্না হৌনরুবা লৈতনা থোক্নরক্তুনা ঙরাংদগী লম্বী অসী মতম কক্তনা থিংজিনখ্রে। ককচীং নাউদম পরেং দেভলপমেন্ট কম্মিটিনা লুচিংদুনা মীয়াম্না লম্বী অদূ থিংজিল্লে হায়না লাউথোকখি।
You may also like
-
বি জে ৱাই এমনা এম পি বিমোল ফম থাদোক্কদবনি হায়না প্রোটেষ্ট তৌখ্রে, পুৱারিদা খ্বাইদগী নোক্নীংবা থৌদোকনি হায়খ্রে
-
শৈখ হাসিনা মরৈপাক্তা হল্লগনি হায়না ফোঙদোকখ্রে
-
মাইবা-মাইবিদা থৱায় লূপ্পীরুরনু, মেদিকেল সাইন্স খম থেংনা চাওখৎলবনি: এম এম সি
-
ঈরাঙ নংলবা মনিপুরগী কেপিটেল সিটি কাঙ-হয়ীংগী লৈফম ওল্লে
-
লৌমীশিংগী ওর্গানাইজেসন মপাঙ্গল কনখৎহনবা তঙায়ফদে: বিজু ক্রিষ্ণানন