হৌখিবা নুমিৎ খরনি অসিদা মহৌশাগা মান্নদবা মওংদা কা হেন্না অকনবা মওংদা নোং হৈথরকখিবদগী দার্জিলিংদা লম্বী নীংখায়বা, চীঙ নীঙখায়বগী থৌদোক কয়ামরুম থোকখিবদা য়ামদ্রবদা মীওই ২০ লোম শিখ্রে অদুগা অতৈ মীওই কয়ামরুম্না শোকহনখ্রে।
নোংচুপ বংলাগী অৱাংথংবা শরুক্তা লৈরিবা দার্জিলিং দা হৌখিবা নুমিৎ খরনি অসিদা মহৌশাগা মান্নদবা মওংদা কা হেন্না অকনবা মওংদা নোং হৈথরকখিবদা মীয়ামগী মহৌশাগী পুন্সিদা চাউনা অকায়বা থোকহনখিবগী মথক্তা মীশী-মীনা, অশোক- অপনগী থৌদোকশিং মায়োক্নহনখিবতা নত্তনা লৈবাক্কি অতৈ মফমশিংগা লম্বী ফাওনবা ঙমদনা লৈরকখিবনি। নোংচুপ বংলাগী দার্জিলিং অমসুং সিক্কিমগী মরক্তসু লম্বী ফাওনবা য়াদনা লৈরি হায়রি।চৎলিবা ওক্তোবর থা অসীগী মরিগী নুমিদাংদা খ্বায়দগী হেন্না অকনবা মওংদা নোং হৈথরকখিবদা দার্জিলিংদা মহৌশাগা মান্নদবা মওংদা মীয়ামগী খম থেংনা অৱাবা অমসুং খুদোংচাদবা ফীভমশিং মায়োক্নহনখিবনি হায়না ওফিসিয়েল ওইবা পাউ খরনা ফোঙদোরক্লি।
দার্জিলিংগী মিরিক অমসুং সুখিয়া পোখারিনচিংবা মফমশিংদা কা হেন্না মীয়ামদা শোকহনবা ফীভম উবা ফংলি। দিষ্ট্রিক্ট এদমিনিষ্ট্রেসন অমসুং ষ্টেট পুলিসকি মায়কৈদগী অকনবা মওংদা রিলিফ এন্দ রেসক্যু ওপরেসনশিং হৌজিক লেপ্তনা চত্থরি হায়রি।কোলকত্তা অমসুং নোংচুপ বংলাগী অতৈ মফমশিংদগী মীয়াম্না দুর্গা পূজাগী থৌরম য়াওবা লাকখিবা মরম্না হৌজিক মশীং য়াম্লবা জাত্রিকশিং লম্বীদা পন্থদুনা লৈরি হায়নসু পাউ অসীনা মখা তারি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে