অদূঙৈ হৌখিবা কুমশিং ২০০১ গী জূন ১৮ দা মীয়ামগী অকনবা ঈহৌদা সি আর পি এফ পার্সনেলশিংনা নোংমৈ কাপখিবা থৌদোক্তা, খোঙজঙ চঙশিল্লকখিবা মীচম ১৮ শিখিবা অদূগা মরী লৈননা, চিফ জুদিসিয়েল মেজিষ্ট্রেট (সি জে এম) ইম্ফাল ৱেষ্টকি কোর্টতা হিয়ারিং চত্থরক্লিবা অসীগী শরুক অমদা,কোর্ট অসীগী মেজিষ্ট্রেট সোরোকখাইবম সদানন্দনা থৌদোক অদূদা নোংমৈ কাপ্পদা চেন্নবনি হায়রিবা সি আর পি এফ পার্সনেল ১৭ কোর্ট অসীদা লাক্তুনা মশা -মশাগী ষ্টেটমেন্ট পীরনবা সম্মন তৌখ্রে।
এন এস সি এন (আই এম) অমসুং সেন্টর লৈঙাক্কি মরক্তা কুমশিং ২০২১ গী জূন ১৪ দা থাইলেন্দগী কেপিটেল বেঙ্কোক্তা খূৎয়েক পীনখিবা সিজ ফয়ার এগ্ৰিমেন্ট অদুদা “ৱিদাউথ টেরিটোরিয়েল লিমিটস” হায়বা ফ্রেজ অসী য়াওরকপদগী মনিপুরগী মীয়াম্না লমদম অসীগী ঙমখৈ অমসুং অপূনবগী শক্তম কায়বা য়ারোই, এন এস সি এন ( আই এম) গী সিজফয়ার এগ্ৰিমেন্ট মনিপুরদা চৎনরকপা য়ারোই হায়বা খোল্লাউগা লোয়ননা হৌনরুবা লৈতনা হৌরকখিবা ঈহৌদা লৈঙাক্কি ওফিস কয়া অমসুং এসেমব্লি বিল্ডিং দা থোমজীল্লক্তুনা চাউনা অমাঙ- অতা থোকহনখি।
মীয়ামগী ঈহৌ অদুবু কন্ট্রোল তৌননবগী মিংদা মথক থোংবা অথোরিটিগী অয়াবা অমত্তা য়াওদনা সি আর পি এফকি পার্সনেলশিংনা মীয়ামদুদা নোংমৈ কাপথোরকপদা মীচম ১৮ শিখিবনি। সি বি আইনা কেস অদূ ইনভেষ্টিগেসন চত্থদুনা লাকখিবনি।ইনভেষ্টিগেসন এজেন্সি অসীগী মায়কৈদা স্পেসিয়েল পব্লিক প্রোজিক্যুটরনা কোর্ট অসীদা লেপ্লি অদূগা ভিক্তিমশিংগী মায়কৈদা এদভোকেট এন সুভাস এন্দ এসোসিয়েটনা লেপ্লিবনি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে