হৌখিবা নুমিৎ ২৫ নিরোম জুকো তম্পাক্কি মফম কয়াদা খঙহৌদনা লান্মৈ চাকপগী থৌদোক্না মরম ওইদুনা লম কোয়বা মীয়ামদা খুদোংচাদবা কয়ামরুম মায়োক্নরগা লাকখিবদু হৌজিক্তি খুদোং থীনিঙায় ওইদ্রে, লান্মৈ অদূ মপূঙ ফানা মূত্থৎপা ঙমখ্রে হায়না সাউদর্ন অঙ্গামি য়ূথ ওর্গানাইজেসন (সায়ো) না ফোঙদোরকখ্রে।
ওর্গানাইজেসন অদূগী থৌমীশিংনা লৈঙাক্কি মরী লৈনবা অথোরিটিগা খূৎশম্নদুনা লান্মৈ চাক্লকখিবা অদূগী ফীভম নোংথক্তগী হেলিকোপ্তর তোংদুনা য়েংশিনখিবদা লান্মৈ চাকপগী থৌদোক অমত্তা লৈত্রে, মপূঙফানা মূত্থৎপা ঙমখ্রে হায়বদু কনফার্ম তৌরবা মতূঙদা ৱাফম অসী মীয়ামদা খঙহল্লকপনি। হৌজিক্তি লম কোয়বা মীয়ামগী পূক্নীঙদা চিংননিঙায় অমত্তা লৈত্রে হায়রক্লি।
হৌখিবা ওক্তোবর অমদা ওর্গানাইজেসন অসীনা মীয়ামদা খঙহনখিবা, জুকো ভেল্লিদা লম কোয়রকপদা ঙাক্কদবা কাঙলোনশিং অদূ ঙাকপগা লোয়ননা লোকেল টুরিষ্ট গাইদ অমা তঙায়ফদনা লোয়নগদবনি। কাঙলোনশিং ঙাক্তবা মীওই অমত্তা জুকো তম্পাক্তা কোয়বা লাকপিগনু, চঙহল্লরোই হায়বা ৱাফম ওর্গানাইজেসন অসীনা থম্লক্লি।
You may also like
-
মনিপুরি মুস্লিমলক্তগী অহানবা আই পি এস ওফিসার অব্দুর রাহমান লৈখিদ্রে
-
মেদান্টা না এদভান্স ব্রেন পেসমেকর শীজিন্নদুনা ন্যুরোসর্জিকেল ক্যের গী থাক ৱাংখৎহনখ্রে
-
মানিপালসিগ্না হেল্থ ইন্সুরেন্স না অৱাং নোংপোক লমদমদা মসীগী থবক-থৌরমশিং খূমাঙ য়াঙনা চঙশীল্লক্লি
-
নিষান মোটোর ইন্দিয়ানা গ্ৰেভাইট এমপিভি লোঞ্চ তৌখ্রে
-
নেস্নেল হায়ৱেশিংদা মনীঙ তম্না মীয়াম্না চত্থোক-চৎশীন তৌবা ঙমহন্নবা মনিপুর হায় কোর্ট তা মালেম্না ৱাকৎখ্রে