হৌখিবা ইরাই নুমিত্তা কুকি-মার কাঙলূপকি মিলিটেন্টশিংনা জিরিবাম দিষ্ট্রিক্টকি মৈতৈ ফূরূপ্না খুন্দারিবা খুঙ্গং অমগী য়ূম কয়ামরুম মৈ থাদোক্লম্লবা মতূং মথংগী নুমিৎ থাংজা নুমিত্তসু কুকি-মার কাঙলূপকি মিলিটেন্ট শিংনা জিরিবাম দিষ্ট্রিক্ট অসীগী নুংখাল এরিয়াগী চা বগান্দা লৈবা মৈতৈ ফূরূপকি য়ূম অনী মখাতানা মৈনা তুম্না থাদোক্লম্লে।
মার লোন ঙাঙবা, মতীকচানা খূৎলায় পায়রবা মীওই নিপাল্লোম হৌখিবা থাংজা নুমিৎকি নুমিদাং পূং ১০.৩০ রোম তারকপদা চঙশীল্লক্লগা য়ূম অনীদু মৈ থাদোক্লম্বনি হায়না জিরিবাম দিষ্ট্রিক্ট পুলিসকি সুপরিন্টেন্দেন্ট না ফোঙদোকখি। পাউ অদু ফংবগা দিষ্ট্রিক্ট পুলিস অমসুং সি আর পি এফকি মশীং য়াম্লবা পার্সনেলশিং মফম অদুদা খোঙলৈ থুনা-য়াঙনা চঙশীন্দুনা ঈরাং অদূ কন্ট্রোল তৌখিবগা লোয়ননা সমরেন্দ্র কৌবা, মৈ চাকখ্রবা য়ূম অদূগী য়ূম্বূ অমসু অশোয়- অঙাম অমত্তা য়াওহন্দনা কনবা ঙমখি হায়রি।
হৌজিক সমরেন্দ্র জিরিবাম পুলিসতা চঙজফম লৌদুনা লৈরেসু হায়রি। চা ভগান অদুদা লৈবা, মৈ থাদোকখ্রবা য়ূম অনীদুগী মনুংদগী সমরেন্দ্রগী য়ূম অদূ নত্তবা অতোপ্পা য়ূম অদূদি মী লৈনদবনি হায়রি। সমরেন্দ্র না বেঙ্গলি শিন্মিশিং মহাক্কি য়ুম অদুদা লৈহল্লগা চা বগানগী থবক শুহনবনি হায়না পুলিসকি এস পিনা মখাতানা ফোঙদোকখি।
You may also like
-
এ দি আর কমপ্লেক্সতা সুপ্রিম কোর্ট কি জজ এন কোটিশ্বরগা ইন্টরেক্সন পাঙথোকখ্রে, লিগেল এৱেরনেস প্রোগ্রাম অমসু চত্থখ্রে
-
পাল্লিবা লৈঙাক অসীনা কন্সটিট্যুসনগী প্রোবিজনশিং ইফোং ফোংনা খোঙ্গাওনরি: ইবোবি
-
প্রাইভেট স্কুলগী প্রিন্সিপাল অমা খদ্রক তৌরম্বগীদমক দেসামগী থৌমীশিংনা ফারগা পুলিসতা শিন্নখ্রে
-
আমিট শাহানা পারলিয়ামেন্টকি ফ্লোরদা ফোঙদোকখিবা ৱাফম অমা হায়বসি ওফিসেল অদুম্মক ওইরবনি: ইবোমচা
-
কোকোমিগী লমজিং মখাদা খুল ঙাকপশিং ফাবা হাৎপা য়ারোই হায়দুনা পাক-সন্না খোঙজঙশিং চঙশীনখ্রে