ইম্ফাল সেপ্তেম্বর ১২: অকক্নবা পাউগী ছোর্স অমা ফংবদগী জিরিবাম দিষ্ট্রিক্ট কি খুঙ্গং অনীদা কম্বাইন সেক্যুরিটি ফোর্স টিম অমনা থিবা-হূম্বগী থবক চত্থবদা য়াম্লবা খূৎশু-খূৎলায়শিং ফাগৎপা ঙমখ্রে।
এন্টি-সোসিয়েল ইলিমেন্ট খরা লৈরে হায়বা খঙবা ঙমখিবগা লোয়ননা জিরিবাম দিষ্ট্রিক্টকি সোনাপুর অমসুং জাইরোলপোকপী হায়রিবা খুঙ্গং অনী অদূদা চঙশীন্দুনা সর্স ওপরেসন চত্থরুবদা খূৎলায়শিং অদূ ফাগৎপা ঙমখিবনি হায়রি। জিরিবাম দিষ্ট্রিক্ট পুলিস, কম্মান্দো য়ুনিট, স্পিসিয়েল মোবাইল পেট্রোল, ৭শুবা আই আর বি, ৪৮ শুবা সি আর পি এফকি ক্বিক এক্সন টিম (ক্যু আর টি), ৮৭ শুবা সি আর পি এফকি ক্যু আর টি, ২০ শুবা সি আর পি এফকি ক্যু আর টি, ১৫৬ শুবা সি আর পি এফকি ক্যু আর টি অমসুং ৩৮ শুবা আসাম রাইফলসকি কম্বাইন টিম্না ওপরেসন অদূ চত্থখিবনি।
ওপরেসন অদূদা মোদিফাই তৌরবা কন্ট্রিমেদ মজল লোদিং এস বি বি এল গন ৩, ইন্দিয়ানা শাবা পোইন্ট ২২গী পিস্টোল ১, কন্ট্রিমেদ পোইন্ট ২২গী দি বি বি এল সোটগন ১, পোইন্ট ১২বোরগী কারট্রিজ ৮, গন পাউদর য়াওবা ভাইল ৫৬, গন পাউদর য়াওবা অপীকপা বোট্টল ৩, মিসি অমসুং য়োত্তে-থাঙতেক পিস ২৪০, গন পাউদর য়াওবা আইরন রোদ ১ ফাগৎপা ঙমখি হায়রি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা